-
ببتسم وأفرح وأجامل كل ضاحك
لا توصّيني وأنا من دون روحي
لا تذكّرتك ما بين الناس.. عادي
المصيبة لا تذكّرتك " بروحي " !!
🌸 :)
-
معروف لكن بين الأمال مجھول
أنا : رجل واقف ب حد إنھياره !
تـقول لي طف الزقاره و أنا اقول
أنتي سبب توليعتي لـ الزقاره !
🌸 :)
-
متكبّر شوي وعديم إحساس
ياكثرهم حولك ... " ويازينك "
ياخي .. انا فارق بعين الناس
وشلون ماني فارق .. بعينك ؟!
🌸 :)
-
خلّوني احلامي وراحو وانا محتريك
طامع بجنّاتك اللي قطوفها دانيه
مدّي يدين الوصل وابمسكك من يديك
محتاج اشوف الحياه بزاويه ثانيه !
🌸 :)
-
تفاصيل وجهك وابتساماتك الرحبه
يعيشون أمّه كامله .. في تأملّها
عسى كل صبح يمر وجهك يصبّح به
وعسى كل خير يمر يدّك .. يقبّلها !!
🌸 :)
-
شاعرك لو مايكتبك .. ما يعاني
يذكرك .. لو حضرة جنابك نسيتيه
على كثر ما تسمعين .. الاغاني
مامرّت أغنيّة فراق .. و ذكرتيه !؟
🌸 :)
آه ليت قلوب خلق الله ياقلبي مثلك
وليتك ان زليت ، لو مرّه تلاقي دامح
ياصديق الكل .. ليه الكل مايصدق لك
لي متى والناس تجرح فيك وانت تسامح !؟

