زميلتي اليوم تقول لي خطيبي فاجأني بطلب ماكنت حاسبته!
تقول جلسنا نتكلم عن حياتنا بعد الزواج وفجأه قال لي: انا ما احب زوجتي تشتغل، قلت له: وانت تدري اني موظفة من قبل ماتعرفني؟
قال: إيه، بس بعد الزواج الوضع بيختلف.قلت له: طيب ليه تقدمت لي وانت عارف طبيعة حياتي؟
قال: كنت احسبك بتغيرين رأيك مع الوقت!!
تقول انا تعبت سنين عشان اوصل لوظيفتي وهو يتكلم عنها كأنها مشوار اقدر الغيه متى ماطلب!
بعدها قلت لها: طيب وش كان ردك لين قال لك كذا؟
قالت: سألته اذا هو مستعد يترك شغله عشاني
قام يغير الموضوع!!
جد يابنات صراحة مستغربة من بعض الناس اللي يدخلون بعلاقة وهم ناويين يغيرون الطرف الثاني بدل مايتقبلونه من البداية.
بالامس صديقتي تقول لي فيه حركه غريبة بزوجي صرت اكرهها!
كلما اشترى لي شيء، حتى لوكان بسيط، يرجع يذكرني فية بكل مناسبة...
مره جاب لي جوال وبعد شهر اختلفنا على موضوع عادي، قال لي: انا ماقصرت معك حتى جوال شريت لك!!
تقول وقتها سكت، وبعدها بااسبوع جاب لي شنطة...
فرحت فيها، بس اول شيء خطر ببالي: ياترى متى بيطلعها علي؟
قلت لها: طيب ليه ماتقولين له هالكلام؟
قالت: كلمته، ورد علي وقال يعني ماتبيني ما أجيب لك شيء؟!
يابنت الحلال فيه فرق بين انك تهدي احد وتفرحه، وبين انك تشتري له شيء وتخليه دين برقبتة!!
صراحه تفاجئت وعرفت ان مثل هذي الاشخاص يستخدم الهدية وسيلة ضغط مثل هولاء الرجال كيف الواحدة تعيش معة الله يعينها بس.


































