ماشاء الله تبارك الله،مافيه شئ بهالحياة كلها أفضل وأروع وأحلى وأحن من العائلة الداعمه الحنونه،ومافيه شئ بهالحياة أسوأ وأقسى وأشد من العائلة الخانقه القاسية المحطمه،لذلك من ابتلي بعائلة سيئة مافيه شئ ممكن يعوضه بهالحياة
الصدق اني من سنيييييين طويلة يمكن من انخلقت وعرفت الدنيا وأنا انتظر فرج بأمور معينة وأتمنى أشياء ثانية وأحيان أحس بهالشعور يمكن أصلاً بقدري كله موب مكتوب لي الفرج من هالأبتلاءات ولا مكتوب أعيش الاشياء الي أبغاها بس الحمدلله انها دنيا زايله،الله يصبرنا عليها لين تنتهي وتزول ونفتك
2
400
الشتاء فصل جميل ويجنن واجواءه حلوة اذا كان عندك بيت جيد وفراش دافئ ومويه ساخنة بس اذا انعدم واحد من هالأشياء يصير فصل قاسي ومتعب،عشان بس السباكة عندنا بدورات المياة زي الزفت ومعاناة مع ضخ الموية ومع الموية الحارة صاير وضع التروش متعب جداً وصعب،فكيف بحياة الي بالخيام الله يلطف بهم
من ملاحظاتي ان السعوديات مكتفيات بقريباتهن يعني تجيك الوحدة مكتفيه بأخواتها وبنات خالاتها وبنات عمانها والخ فتصير خلاص حياتها الاجتماعية مليانه ماعندها وقت للصديقات،وطبيعة مجتمعنا انه علاقات الأقارب أقوى من علاقات الصداقة وأكثر تواصل
السعوديات اكثر بنات مفتقدات الصداقة والحياة الاجتماعية
مدري ليش صايرين انطوائيات وكل وقتهم متسدحات بالبيوت
انا لاني اجتماعية وربي اكثر اللي اقابلهم ونطلع سوا يمنيات ومصريات السعوديات نادر اطلع معاهم طول وقتهم يتعذرون
حتى المصريات يجونا مايعرفون احد فجاة يصير عندها حياة اجتماعية وعزايم وتروح وتجي
انا مدري وش السبب الصراحة بس الحياة الاجتماعية عندنا فيها شي غلط
أعوذ بالله الله لايورينا هالأيام،وربي ان الكهرباء أكبر نعمة أنعم الله بها على العباد والي اكتشفها واخترع الاجهزه الي تسهل الحياة له فضل عظيم على البشرية،الله يديمها علينا من نعمة ويرزقنا دايم المال الي نقدر نسدد به فواتير هالنعمة
1
1
570
تذكرت الي صار لي مع جدتي الله يرحمها لما توفت كنت توي مراهقة وكنت متعلقه فيها جداً وأصريت على أمي الله يرحمها نروح نشوفها بالمغسله وأقول شكلها ماماتت ويوم دفنوها قلت روحوا افتحوا قبرها يمكن مغمى عليها من السكر،أخاف اذا طولتوا تنغمت من التراب وتموت صدق،الله يحرمها عن النار
أبوي وصاني وصية
(الله يطول بعمره على الطاعة ويحسن خاتمته)
أنه لو مات أصبر ثلاثة أيام وبعدها أدفنه، يقولي يمكن التشخيص يطلع خاطئ وأصحى ألاقي نفسي بالقبر وماني قادر أطلع وأموت من جد بمكاني وقتها
560
عندي صديقة عندها مشاكل بالبيت وماشاء الله تبارك الله عليها24ساعة هاجه برى البيت وماترجع الا وقت النوم،الصبح تطلع تفطر مع صديقاتها،الظهر تطلع تتغدى،العصر تطلع تتقهوى،بالليل تطلع تتعشى،أو تلف السوق،واحياناً تمسك خط وتروح للمدن الثانية،أحيان ودي أسوي مثلها لكن العوائق عندي كثيرة😔😩





















