ُ

2:44

متى تزين؟

مو كل فكرة تجيك تستاهل تصدقها ومو كل شعور تحسه يعكس الحقيقة أحيانا عقلك يقنعك إنك فاشل لأنك تأخرت وإن الناس تراقبك لأنك مرتبك وإن مستقبلك بيكون مثل أسوأ أيامك مع إنك لو تعاملت مع أفكارك كاحتمالات بدل ماتتعامل معها كحقائق بتكتشف إنك كنت تعيش تحت رحمة أشياء ما كانت حقيقية من الأساس

One day

وإني على خوض الحياة لُمجبَرٌ كمن خاضَ حرباً ما أراد نشوبها وَكَم يَستَحِبُّ المَوتَ مَن هُوَ عاشَها على مَضَضٍ أو سارَ قَسراً دُروبَها

أحيانًا أحس إني انولدت بالزمن الغلط كل اللي أبيه بيت عربي بالديرة وحوش ونافورة ومجلس أجلس فيه آخر العمر وأعيش على راحتي بعيد عن سباق الدنيا وملاحقة أشياء ما تخلص يمكن الحلم يحتاج مليونين أو ثلاثة بس دام الواحد عنده حلم يرجع له كل ما ضاقت به الدنيا فهو للحين بخير

قهوة العصر > قهوة المغرب

أحيانًا إذا شانت ظروف الإنسان تكبّر على الناس، مو لأنه شايف نفسه عليهم، لكن لأنه ما يبي أحد يلاحظ إن ظروفه تغيّرت، كأن آخر شيء يقدر يحافظ عليه هو الصورة اللي رسموها عنه وعلى الطاري ذا تفوق فيصل بن نماس يوم قال : ان زانت أوضاعي تواضعت للناس وان شانت أوضاعي بديت أتكبر

صباحوو ، تعرفون إن الشيطان دايم يلعب على تعظيم المفقود؟ يخليك تحس إن الشيء اللي ما حصلت عليه هو نقطة التحوّل في حياتك، وإن سعادتك كلها واقفة عليه، وتبدأ تتخيل كيف بتكون حياتك لو امتلكته، لين تقنع نفسك إنك فاقد شيء عظيم، بينما ممكن لو حصلت عليه تكتشف إنه شيء عادي جدًا

أحس الكبسة سرقت الأضواء من المرقوق وهذي أكبر مؤامرة غذائية بالتاريخ السعودي، المرقوق يستحق انه يكون الوجبة الاولى شعبيًا ،وفخر المطبخ السعودي

يا إنسان، مو كل شيء بالدنيا لازم تكون له فائدة مباشرة عشان يستحق التفكير، ولا كل سؤال لازم ينتهي بإجابة تغيّر حياتك العقل أوسع من إنه يكون مجرد أداة للمنفعة، ومن طبيعة الإنسان إنه يطرح الأسئلة ويفهم الأشياء حتى لو ما كان لها أثر مباشر عليه، لأن قيمة العقل مو بس في وش يحقق لك

قدَّمتَ عمركَ للأحلامِ قربانَا لا خنت عهدًا ولا خَادعتَ إنسانَا والآن تحملُ أحلامًا مبعثرةً هل هانَ حُلْمُكَ.. أم أنتَ الذى هانَا؟