« آه يا قلبٍ مْن الوجد خطر إنّه يذوب
قامت الذكرى القديمه تْلحّه وتحداه
تلذعه نارٍ سناها مثل برق النصوب
لا قشع وجه الدجا تقل نافض لك عباه
لين خلّا حدب الأضلاع تلطمها الهبوب
كن فيها وقش ذيبٍ مْجفّل له قطاه
يا وجودي كلّ ما قامت الذكرى تلوب
في ضميرٍ لا أقبل الليل جاب اللّي وراه »
« يا ضحكة حياتي لا تمر الفرص و تفوت
طريق الوصل مدري متى نقدر نعبره ؟!
يا قوّ الغرام إللي حكمني حكم طاغوت
و ياشين الغياب .. و طيحة الحظ و الثبره
نحس بـ وجع فرقى بضعنا و حنا سكوت
ما نلقى مجال نوصّل شعورنا عبره
خذتنا الظروف القاسيه لين شفنا الموت
و جبرنا الزمان .. إللي ما نقدر على جبره »
2
13
546
« يانديم الليل سولف تراني يانديم
ماقدرت اريح الفكر وافض النزاع
خل قولك نفح نسناس وإلا رش ديم
ولاتعابتني لا سجيت عن الاستماع
سجتي سجة غريمً يطارد له غريم
عند قومً من يجيهم تعشاه السباع
ان وصلهم قِدمه الموت والنار الجحيم
ومع ذراعه من ربوعه ماعين له ذراع »
- سالم الطريسي
« من كثر ما أسمع هّد بالك جاني الشر الشرير
وشلون أهدي بالي اللي طول عمره ما هدا
مليان صدري بالحزن والشوق والشيء الكثير
غديت في درب الغرام ولاني أول من غدا
غدابي اللي للحلا و والملح والقبلة سفير
أعذب وألذ من المطر وألطف وأرق من الندى
كنه قصيده قالها مدغم من أحساس وضمير
وقام بأدائها خالد آل بريك وأبدع في الاداء
يا بنت من دافع تصاريف الاماني و الشفوف
الناس عند ارزاقها تسعى وانا اسعالك سعي
عليك : ما شحّت معاليقي ولا شحت كفوف
كن المحبه كل مطلع شمس تشعاني شعي
يبيك شعري يوم احطك فيه من بين الحروف
حتى الحواس لساني وعيني تبيك ومسمعي
انا بدون وصالك .. ملّقي حياتي : لـ الحتوف
من دون قربك .. ما زهاني بـ الكلام الا النعي
يا قطعةٍ من نور .. مدري يا مهاديل القنوف
مافيه حاجة فوق وجه الارض غيرك مطمعي
ـــ ريان العياضي
عسى دار حرب من الحجاز ليا السهل
تنبت نواميها .. وتزهر زهورها
وعسى دار حرب اليا اجدبت كل ديره
يمطر عليها من السحايب بكورها
- ناجي السبيعي
عسى كل ما لاحت بعرض الخيال بروق
تدن الرعود اللي يهيّض توندقها
على ديرةٍ فيها هل المعرفه والذوق
تهب وتصب وتنجلي قبل تغرقها
وطن ربعي اللي ما بهم من قديم طقوق
مواكر حرارٍ طيبها من معامقها
تعزّ الصديق وباللقا للمعادي عوق
ركون الجبال اللي صعيبٍ تسلّقها
_ بن زويبن
27
884

