الفكره يا ناس جباره
تخيلو ركبو مع قبايل وجنسيات وقصص مختلفه ناس تكشت وناس رايحه المستشفى واللي يأثث لبداية حياة جديده وناس مودعه الرياض ومع ذلك ما تسمع منهم غير سم وابشر ويعزمون
مواقف ذي تبين معدن الناس الحقيقي وان الطيبه والترحيب ثقافه متأصله في هذا الوطن مهما اختلفت الظروف
عندي حيله اذا بقنع امي او ابوي بشي
قبل افاتحهم بالموضوع ارسل لهم مقاطع عن هالشي والفائده وتجارب ايجابيه عنه بعدها أفاتحهم بالموضوع ويكون عندهم خبره سابقه عنه
اليوم ارسلت مقطع لبوي عن يوم الجمعة وقالي وش عندك ودك تصلين معنا؟
لا لا مو كذا يالغالي
مبادئ وحدودي والي اتابعهم او هواياتي كلها اشياء شخصيه تختلف من شخص لأخر
مو معقول تجي وتحاول تمنعني او غيري من شي تشوفه انت"عيب" او "ما تحبه" وتحطه بقالب المبادىء والاخلاق
معليش هذي القالب يخصك انت تشوفه عيب انا اشوفه عادي جداً
الشيء الوحيد الي ما لانا رأي فيه هو الدين فقط
الشتاء الي فات انا وصحباتي قررنا نطلع مخيم جلسنا نتفق كل وحده وش تجيب انا قلت اجيب سلطة الدوريتوس وجبت المكونات من البقاله ورتبتها بليل
صحيت من النوم لقيت نص المكونات اكلها اخوي
يقول احسبك جايبتها مفرحات لنا
مفرحات كم عمرك بالله
تدخل الوالد وطرده للبقاله يجيب دبل كل شي اكله