بیلی راجپوت

چوہدری سالک پھنس گئے ہیں ! چوہدری سالک نے مرضی کے بغیر ڈ پٹی کمشنر گجرات کی تبدیلی پر اے آر والی کو پنجاب میں کرپشن کا انٹرویو تو دے دیا ہے مگر سوال یہ ہے کہ اگر چوہدری شجاعت حسین اور میاں نواز شریف کی مداخلت سے یہ معاملہ گول نہیں ہوتا، مریم نواز واضح معذرت کے مطالبے پر ڈٹ جاتی ہیں تو ان کے پاس آپشنز کیا ہوں گے؟ پہلا آپشن معذرت کا ہے جو چوہدری سالک حسین کے لئے کافی embarrassing ہو گا کیونکہ ان کا مقابلہ صرف نواز لیگ اور پی ٹی آئی سے بطور جماعت نہیں بلکہ گھر کے “شریکے” سے بھی ہے۔ سالک حسین اگر پھڈا ڈالتے ہیں تو پوری قاف لیگ کے لئے یعنی چوہدری شجاعت حسین کی پوری فیملی کے لئے مسئلہ بنے گا کیونکہ دوسری طرف چوہدری پرویز الٰہی کی فیملی ہے۔ چوہدری شجاعت حسین کے بچوں کو اسی وقت اہمیت اور اقتدار ملا جب چوہدری پرویز الٰہی دوسرے دھڑے میں گئے ورنہ 1997 سے اب تک کی تاریخ دیکھ لیں، نوازشریف کی سپیکر شپ سے مشرف اور عمران خان کی وزارت اعلی اور پارٹی صدر کے عہدے تک سب کچھ پرویز الٰہی کو ہی ملا۔ مسلم لیگ نون سے تو چوہدری شجاعت کی فیملی کو گجرات کی سیٹیں مل گئی ہیں مگر پرویز الہی اور مونس الہی سے ملنی مشکل ہیں۔ اب راستہ یہی ہے کہ بڑوں کو بیچ میں ڈلوا کے صلح کر لی جائے ورنہ شدید مسائل ہیں۔ کئی لوگوں کا کہنا ہے کہ وزیر اعلی کو گجرات میں چودھریوں کی مرضی کا ڈپٹی کمشنر، ڈی پی او دے دینا چاہئے تھا کہ اسی سے چائے کی پیالی میں طوفان پیدا ہوا۔ آپ کے خیال میں سالک حسین کے پاس اب لیگل نوٹس کا جواب کیا ہے؟