سباع retweeted
رويترز عن مصدر: قادة دول الخليج طلبوا من ترمب عدم مهاجمة إيران
========
🔴 رويترز عن مصدر: قادة دول الخليج طلبوا من ترمب عدم مهاجمة إيران
🔴 رويترز نقلت في وقت سابق عن مسؤول في البيت الأبيض قوله إن "حملة الضغط الاقتصادي مدمرة جداً لإيران ولا حاجة لضربات كبرى"
🔴 المسؤول في البيت الأبيض أضاف أن "ترمب لديه كل الخيارات حتى لا تحصل إيران على سلاح نووي"
#العربية
العين من كآبه المنظر تخاف
ومايستصيغ القلب شيٍ فيه خوف
وجه البسيطه لا ربيع ولا جفاف
والعالم الله كان تحت الوجه جوف
انا اعبد الله ماني بعبد المناف
حتى ولو ماشفت احد وجبال عوف
الكون ضد وضد والدنيا مطاف
والذاكره ، ما مرّ فيها ، مايطوف
والفرق شاسع بالخلف والاختلاف
والمختلف مهما حصل ماهو مخلوف
عزاه ياقلبن معيي لايعاف
اما ملاقى حي ولا عوف عوف
طبيعتي مادرج الخطوه خلاف
اما يروف القلب ولا لا يروف
والغيم لو يسكب علي سمٍ زعاف
اهوّن علي من ذرفة دموع الهنوف
فيني من الضيقات ضيقه ماتشاف
لين اكتمت صدري مثل كتم البلوف
اللب محذوف وبقى منها الغلاف
واثر عيون الناس عيّت لاتشوف
عقلي يوبخ قلبي وثار الخلاف
وانا نحرت لصلحهم مية خروف
الظاهر اني عايش السبع العجاف
ولا السمان اقفن مع درب الهفوف
ابا اعترف وانا ماحب الاعتراف
لكن صايبني من الدنيا عزوف
مثلت دور اني قويٍ ،،،،،،، بحتراف
رغم الهلع والي حصلي من صدوف
ياليت لو ساقي ملحفها اللحاف
ماكان زلت بي على غدرا الكهوف
اما انت ياحبي ويانبع العفاف
وش فرق قلبك عن مداهيم القنوف
صارن بنات الفكر من زينك خفاف
اغوّن شعوري لين خلنّه حروف
انا عشقتك وانت كله طاف طاف
ماهمك الا اللعب وصوات الدفوف
والي يضره حبنا خلاك جاف
لا جور وقت ولا شقى ولا ظروف
غذاك بالغيبه وبهروج الضعاف
ولبسك لبسن شين ماهوب مالوف
انا ماودي تنجرف للنحراف
والحق واضح مايبي له فيلسوف
رسايلي مشروطه بوزن وقاف
ماهيب مهروجه لو الوضع محفوف
-سباع
يامقفي لا تصال ولا رساله
عزتي للي يعزك عزتي له
غبت مدري من هموم او من جهاله
وانتظرتك واحد وعشرين لليله
قد تشاركنا معك حتى البياله
مايصير الهم ب لحالك تشيله
اعتبرني معك ف همومك زماله
لا تقول ظروفي القشره قليله
وكان سبة غيبتك هرج السفاله
لاتعوّد خلها غيبه طويله
من يصدق هرجهم مالي وماله
ماخبرت المبصر ، الاعمى دليله
تالي الايام قلبي كنّه آله
اقدر اجمع ملفاته وازيله
كم غالي راس مالي راس ماله
واجتمع معاه في نفس القبيله
رحت في فالي وهو روّح ب فاله
وعشت عادي ماتبعته في سبيله (:
يعني الموضوع مايبغى دلاله
منت بغلى شخص ، يوجعني رحيله
- سباع
يكفل الامن ، نوم وقوت يوم وشراب
واستتاب الوضع فالبيع والمشترى
وكلن بماله وحاله يروم الصعاب
ذا يرد البرا وهذا يدف البرا
وخالي العقل بلحاله ماجاله عذاب
كن راسه ملصق بالسعاده غرا
اه من حر زفرة موجة الاكتئاب
واه يالطاري الي في بيوتي طرا
ضاع درب القصيده اضحكوا ياشباب
ساد حزني وبثيته ، بالاكس ، جهرا ):
ماتوَطَد علاقه ، ف ستريك السناب
شوفني واصل الالفين والي جرا
مادريت ان مفهوم الصداقه " سراب "
لين ماطاحت الدمعه ولا حدن درا
- سباع
سج يا غايب وجر اقدم ربابه
مقصدي ماتكشفه نظرات عيني
انت جزءٍ ماتجزأ من عصابه
مقتفيك الموت وانته مقتفيني
الندم والغبن والحسره تشابه
لاتحسب انها تجيك وما تجيني
ضاع مفهوم الرتب وسط الرتابه
وشرهتي ماهي على راحت يديني
راح توكيل الموّكَل للغلابه
والغلابه مستعده تحتسيني
ودي اسوي وزاره للرقابه
ضد حلف الناتو .. وضد الخميني
كيف انا بجلس على ارصفة النيابه؟
والسنين الماضيه زهرة سنيني
من يبشر جرهد الارض بسحابه
تحيي النبت الهشيم وتعتليني
مع مطرها لي دعاوي مستجابه
ويرحم الله والديه ووالديني
لو تذكرني بمن طوّل غيابه
السحايب مالها الا .. زمليني
كل مايطري على بالي ، طرا به
كنه الي عايشٍ بيني وبيني ):
-سباع
يامملوح الهوى لاهب يمكن القلوب تذوب
وانا ماودي ان الي يدور ف بالي ف بالي
من عيون القصص خذيت عبره من صبر ايوب
وتحلويت الليالي ،، والليالي مالها والي
غيابك ميّزه ربي لو انه للغياب عيوب
ماتستوعب حضورك روسنا ،،، ونجن طوالي
ولولا غيبتك مافيه لاشعر ولاحسن اسلوب
مافيه الا اتهيا للقبر ولا ،،،، يتهيالي
ولا علقت لك مطلع قصيده بكل حدب وصوب
اسويهن واغنيهن وسط حلي وترحالي
وانا من ذبذبة مسباحي السبع البحور تروب
وقصيدي يعتبر تشجير لو صدري ربع خالي
وبميدان الشعر خذيت لي معاركٍ وحروب
عشان الشعر كن الشعر مخلوقن لي لحالي
يذم الشاعر الموهوب شاعر ماهوب موهوب
يحسب بذمه بيبرى ويرقى المرقب العالي
-سباع





