سلمان يا عز البلاد وفخرها ..
زيزومها لامن عج الرمك ثار ..
فضايلك يفخر بها من ذكرها ..
ذكرك فرق ما كان مثله ولا صار ..
تعجز حروف الشعر لا تختصرها ..
مناقبٍ تشهد لها كل الاقطار !
غصنا بحور الشعر نطلب دررها ..
نبحث عن كنوز المثايل بالاشعار ..
وجاد البحر بأغلى النفايس باثرها ..
مآثرٍ تمطر من العز مدرار ..
يا سيدي شعبك حياته نذرها ..
للسمع والطاعة وللدين والدار ..
ويا قايد الأُمة ومِمن ذعرها ..
حامي حمى الإسلام في كل الأمصار ..
سطرت بأمجادك عظايم عِبرها ..
انت الزعيم اللي عن الحق ما بار ..
لا شبت الفتنة وثوّر شررها ..
وتطلّب الموقف طبيبٍ وعطار ..
داويتها من قبل يظهر خطرها ..
الحزم تستأصل به رقاب الاشرار ..
فضلك على العالم والأُمة غمرها ..
ماهي غريبة يابن وافين الاشبار ..
ترثة هل العوجا وأضفت لسيرها ..
اللي لهم بصمة على هام الأذكار ..
وشعبٍ دروب العز خلفك عَبرها ..
يشهد له القاصي قبل يشهد الجار !
سلطان بن تركي retweeted
يا زين شرّع باب قلبك وهجه ..
وارسم على ثغر الهوى ضحكة حجاج ..
ليتي معك من وين ناوي إتوجه ..
بركب الهوى نبحر على ظهر الامواج !
(٥)
#بقلمي
سلطان بن تركي retweeted
وخلٍ يسوق الرجل ناوي بسجه ..
اهواه واتبع خطوته كل ما داج ..
اطرب على همسه وصوته وهرجة ..
واشعل بليل الوصل من شوفه سراج ..
(٤)
سلطان بن تركي retweeted
ومشاعري نسمة عبيرٍ وعجه ..
لا واعذاب القلب كنه على صاج ..
فرحة محبٍ لايع البين رجه ..
صبٍ سجينٍ ينتظر حكم الافراج !!
من ناظره دمعه من البين كجه ..
ولا لقى من حبس الاحباب مخراج ..
سلطان بن تركي retweeted
ياللي تبي مني دليلٍ وحجه ..
ما فاز في سلم المحبين هراج ..
الفعل برهانٍ صدوقٍ بحجه..
والصمت يذبح والحكي دونه سياج
واللي وضع بيتٍ عباده تحجه ..
انك على عرش الحلا لابسٍ تاج....
(٢)
سلطان بن تركي retweeted
يامن يرد الصوت من غير ضجه ؟
قلبي لرد الصوت بالحيل محتاج ..
واللي برمح الشوق قلبي يخجه ..
خلٍ وصاله للحشا طب وعلاج ..
يبطش بظلمه صاحبٍ ما يمجه..
حجّاج* قلبي لو للاشواق حجّاج*!!
(١)
سلطان بن تركي retweeted
يذكر محاجر كنها سيوف ورماح
اللي تصوب كل حيٍ يشوفه
ينوح مع طيرٍ على الغصن قد ناح
ويبيح الونات من وسط جوفه !
٣/٣ #سلطان_بن_تركي
سلطان بن تركي retweeted
مانيب مثل اللي بالايام مرتاح
اللي على شفه تجيله ظروفه
اللي ينوم الليل ما يشكي جراح
ولا نقل هم الغبن والحسوفه
لا ما سهر متذكرٍ راحلٍ راح
ودايم الا جا الليل جاته طيوفه
سلطان بن تركي retweeted
انا كسير الساق .. تعصف به رياح ..
وسط الخلا تايه .. ولحدٍ يشوفه ..
يشكي طعون الوقت ما سج ما ارتاح ..
ضاقت حياته .. والمدامع ذروفه ..
"وعود كما رجل يحارب بلا سلاح ..
وخصمه بوجهه قام يشهر سيوفه ..
ولا كريمٍ ضاق دهره ولا باح ..
عقب العطا ما عاد يكرم ضيوفه ! "
ولعتني يا مالك القلب واقفيت
واقفت معك روحي ومعها الضماير
من هول فقدك يا هوى البال ونيت
من حر وجدٍ بين الاضلاع ثاير
انت الذي في داخل القلب سويت
صرحٍ معالمه الهنا والبشاير
وانت الذي في داخل القلب حطيت
شعلة غرامٍ تشتعل بي سعاير
خابر تغلِّي نيتك يوم صديت
مير ارفق بصبٍ من الشوق حاير
هذا وهي لحظات عني تواريت
وش هقوتك عقب الفراق الخساير؟
حييت يا شيخٍ على العز مجبول ..
سبحان من خلّى لك المجد عادة ..
وخلاك بقلوب المخاليق مقبول ..
والله يقبل من يبي من عباده ..
يا محمد الامجاد بك يقصر القول ..
ولا ينصفك كثر الثنا .. والاشادة ..
وشلون اببلغ وصفك ان جيت اباقول ..
معنىً لك الاجلال بالشعر قاده؟
فضايلك جمه لها الشرح بيطول ..
يا قايدٍ ربي على الناس زاده ..
بالطايله تظفر وللكايد تنول ..
والحر يرقى لين يبلغ مراده !
سلطان بن تركي retweeted
Replying to @Sultantm
مدحً رقّى للمجد في حروف سلطان
كنك تشوف الورد لونّه وفله
أجمل وصوف الحب ما بين الأخوان
وأرقى من التوصيف دقه وجله
أكرم بيوت الشعر في كلّ ميدان
تنصف وتعطي كل شخص بمحله
أقرب قريب النفس في قلب الأنسان
أنك تشوفه ضل ويضل ضله
انت الاخو ... وانت الوفا .. وانت الاحسان ..
وانت السخا والجود والعز كله ..
وانت الذي بالفعل من بد الاعيان ..
طبٍ يداوي كل جرحٍ و عله ..
لو كان لطف الغير يامير هتان ..
السيل لطفٍ من سحابك تهله ..
ولو الوفا كتابٍ تراك انت عنوان ..
لولا وجودك يابيض الوجه من له ؟! ..
انت الشموس اللي تعلت بالاكوان ..
وانت البدر ونجومها والاهله ..
فيك الوفا شمسٍ على العالم تبان ..
والله حشت الطيب دقه وجله ..
نلت الشهادة والظفر يا كحيلان..
بدرع الشرف متوشح العز حله..
آن الاوان جهودك تتوج الآن..
الله يبارك لك بمسعاك كله !
سلطان بن تركي retweeted
شفنا نتايج عزمكم يا احمر العين
هذا حصاد اللي يمينك بذرها
اشياً تقر بها عيون المحبين
واهل الحسد سيف الحقايق نحرها
في روض مجدك فاح ريح الرياحين
والدار ربَّع عزها من مطرها
متصدر اسم الدار كل العناوين
كل من حكى بالمجد دارك ذكرها
القول فعلٍ .. والنتايج براهين
وكلٍ يشوف الدار بازهى صورها !
سلطان بن تركي retweeted
يا شبيه معزي فكل الامور
يا ذرا بلادي و رفعة شانها
عادة العزة على الطيب تدور
مثل دور الفلك في ميدانها
قايد زمام الخواطر والشعور
مثل ما انتَ قايدٍ فرسانها
البلاد اللي على حبك تثور
وترتمي بحضنٍ كفل أمانها
ولاحكوا يبان من فعله مخَبور
بين حزم وبين طيب إحسانها
لا جلس يروي عطش كل الصدور
ولا وقف مدرك رمي نيشانها
ياصل أبعاد الأماني ومعذور
لا سبق إدراكها بميزانها
شفنا نتايج عزمكم يا احمر العين
هذا حصاد اللي يمينك بذرها
اشياً تقر بها عيون المحبين
واهل الحسد سيف الحقايق نحرها
في روض مجدك فاح ريح الرياحين
والدار ربَّع عزها من مطرها
متصدر اسم الدار كل العناوين
كل من حكى بالمجد دارك ذكرها
القول فعلٍ .. والنتايج براهين
وكلٍ يشوف الدار بازهى صورها !
سلطان بن تركي retweeted
لا تَلقَ دهركَ إلا غيرَ مكترثٍ
ما دامَ يَصحبُ فيهِ روحك البدنُ
فما يديم سرورٌ ما سُررت بهِ
ولا يردُ عليكَ الفائتَ الحزنُ
#المتنبي
سلطان بن تركي retweeted
#بيان | تدين المملكة العربية السعودية بأشد العبارات الجريمة الشنيعة التي ارتكبتها قوات الاحتلال الإسرائيلي بقصفها مستشفى الأهلي المعمداني في غزة، والذي أدى لوفاة المئات من المدنيين، من بينهم أطفال وجرحى ومصابين.









