TV Patrol

Halos 100 bata ang lumahok sa taunang Halloween costume parade sa Bgy. 70, Caloocan City.

Nanatiling misteryo sa isang pamilya ang nakuhanang pangyayari ng CCTV sa harap ng kanilang tahanan. Isang upuan ang inihagis kahit wala namang taong makikita sa video. Ito ang kuwentong "Kababalaghan" na hatid ni Kabayan Noli De Castro. Abangan ang kuwento sa Sabado, Oktubre 31, 10:30 p.m., sa Kapamilya cable at free TV platforms. Una namang mapapanood ito sa iWant.ph alas-4 ng hapon at sa ABS-CBN News YouTube channel pagkatapos ng "TV Patrol Weekend."

Matapos ang pitong taong transition period at isang makasaysayang halalan, pormal nang nagpulong ang kauna-unahang regular na Bangsamoro parliament.

Nakapag-update na ba ang lahat ng mga pupuntahang pang-food trip? Dagdagan na ang inyong listahan dahil inanunsiyo na ang 127 establishments na pasok sa 2027 Michelin Guide.

Malaki ang ibinagsak sa presyo ng langis sa world market sa ikaapat na araw ng trading, kaya may tapyas-presyo na sa diesel at kerosene. Pero ang gasolina, may natira pa ring price increase. Namumuro ring magmahal ang LPG sa unang linggo ng Nobyembre.

Paiigtingin ng PNP ang pagtugis kay Sen. Ronald Dela Rosa dahil hindi pa rin siya sumusuko sa loob ng isang linggong ultimatum ng pamahalaan. Mapapaso na ang isang linggong deadline ngayong Oktubre 30.

May panibagong nagpahayag na nakasama umano sa paghahatid ng mga maleta ng pera sa Davao noong 2021 at 2022. Isang nagpakilalang driver umano ni dating speaker Lord Allan Velasco ang nagpunta sa NBI at nagsumite ng sinumpaang salaysay at mga ebidensiya. Buwelta ng kampo ni Vice President Sara Duterte, isa lang itong gawa-gawang akusasyon.

Tumagilid ang isang pampasaherong barkong may lulang higit 50 pasahero at mga tripulante habang naghahanda sa pagbaba ng mga pasahero sa pantalan ng Real, Quezon. Samantala, nagsimula na ring dumating sa mga pantalan ang mga pauwing probinsiya para gunitain ang #Undas2026.

Uulanin ang ilang lugar sa Pilipinas sa #Undas2026 weekend. Makaaapekto pa rin ang Amihan sa northern Luzon, shear line sa silangan ng Luzon, at ITCZ sa katimugang bahagi ng bansa. Samantala, lumalapit sa bansa ang LPA na nasa silangan ng Eastern Samar bagama't hindi ito inaasahang magiging bagyo. Namataan naman sa silangan ng northern Luzon ang Super Typhoon INFA na posibleng gumilid o sumilip sa PAR pero wala itong magiging epekto sa bansa. #WeatherPatrol

Bumuhos ang pag-alala at pagpupugay sa pumanaw na "Star Trek" at "X-Men" star na si Patrick Steward sa edad na 86.

Nagulantang ang ilang residente ng Albay matapos ang muling pagputok ng Bulkang Mayon nitong Biyernes, Oktubre 30.

Inireklamo sa Napolcom ang isang pulis dahil sa umano'y pananakit sa kaniyang dating kinakasama na nagresulta sa pagkakalaglag umano ng sanggol sa kaniyang sinapupunan.

Ipinatupad na ang ilang panuntunan at road closure sa mga sementeryo sa pagsisimula ng dagsa ng dumadalaw sa patay sa Manila Memorial Park sa Parañaque. Ipinagbabawal na ang pagtitipon ng kabataan lalo na kung wala namang dadalawing puntod.

Nag-inspeksiyon ang DOTr sa NAIA para alamin kung handa ang paliparan sa dagsa ng pasahero, ilang araw bago ang #Undas2026. Uminit naman ang ulo ni Transport Sec. Vince Dizon dahil sa isang isyu.

Nasa London na sina Joshua Garcia at Julia Barretto para sa global screening ng kanilang pelikulang "Always Yours, Never Mine."

Arestado ang isang lalaking sangkot umano sa ilang insidente ng nakawan sa Quezon City. Modus umano ng suspek na magsuot ng iba-ibang uniporme ng mga delivery rider.

Habang pauwi ang marami sa kani-kanilang probinsiya para sa #Undas2026, gagawin naman ng DPWH simula ngayong Biyernes, Oktubre 30, hanggang weekend ang pagkukumpuni sa ilang bahagi ng EDSA, bilang bahagi ng rehabilitation project phase 2.

Buhos na rin ang mga motorista sa bahagi ng Metro Manila skyway at SLEX, kung saan kapwa may pagbagal na sa daloy ng trapiko.

Nagsisimula nang bumagal ang usad ng mga sasakyan sa NLEX dahil sa pagdami ng motoristang lumalabas ng Metro Manila para samantalahin ang long weekend at #Undas2026.