Pinned Tweet
•
نبــذه :
"والله إنها معجبه والقصايد معجبات
ما يقنّد راسها إلاّ القصيد النخبوي "
1
139
31,192
•
" من عبرت الليل ، ما بان الشروق
لا انتظاري ضي ولا اشواقي ظلام
السماء ترسم من الذكرى بروق
والدموع تسيل من عين الغمام
لا ارتوى قلبي ، ولا جفّت عروق
والسنين تضيع بدروب الملام
عايفٍ بعضي ، وبعضي فيه شوق
والسكوت يحاصر اطراف الكلام
روح ما زالت تحسّ ان لي حقوق
ونفس طابت ما تبي غير السلام
السهر غنّا على الحان الخفوق
والفرج مسّا على الخيبه ونام "
19
668
•
" هزيع الليل وش خلّا النجوم مْن النجوم تغار
سقى الله لحظةٍ بمشاهد محيّاك مبخوته
عسى اللي حط في بطن السحابه وابلٍ مدرار
يحطك في يدين اللي محط اعجابك بيوته
قصيدٍ يجبر اللي يعزف إيقاعه على السمّار
يحذف الناي ويهدم المقام ويمسح النوته !
وبعد ما قرّب الموعد تهندم لـ اللقى واحتار
"وش يلبّس على عنقك من ألماسه وياقوته" ؟
(حبيبك) كان يغريه الكلام اللي معاك يدار
"كثر ما كان يغريك الكلام اللي ورى سكوته"
لو إن الوقت لوّح من بعيد و كمّل المشوار
هو أكثر من يعيش اللحظه اللي خايف تْفوته "
3
43
1,038





