
ALT نظرته نظرة قط ساذج ومغلوب على أمره متوحيش بإنه لسة مديني علقة يعني، أنا مشيت وسيبته علشان زعلت منه جدًا فضل يجري ورايا، صعب عليا شكله وهو تائه بين المكان يصعب على القاسي، اضطريت اصطحبه معايا لحد ما ننزل من على الكوبري واتطمن عليه، حاول ينكشني في نص الطريق ويجري قدامي علشان نلعب سوا ونجري ورا بعض بس مقدرتش والله هو زعلني متوقعتهاش منه😔 لما نزلنا من على الكوبري اتطمنت عليه شوية وشرب شوية ماية وقعدنا نتبادل النظرات في صمت علشان يشوف في عيني خيبة الأمل من اللي عمله كان كل شوية يبص في الأرض وبعدها يبص لي بندم ويرجع يبص للأرض تاني، صعب عليا والله حسيته صادق في ندمه ومكانش قصده يمكن كان عايز ياخد بورتريه لوحده وبيحاول يبعدني من الصورة، أو القطة بتاعته ممكن تزعق له لو شافته متصور مع بنت غيره فبيصرف الشبهات عن نفسه، حاولت ألتمس له العذر يعني قبل ما أمشي علشان ميبقاش في قلبي شيء ناحيته فاستسلمت وابتسمت له علشان يعرف إننا اتراضينا وقلتله إني همشي، دخل في مكان بعيد عن الطريق وبصيت له نظرة أخيرة واستودعته الله ومشيت عارفين؟ أنا لسة زعلانة، قلبي مطلعش أبيض مش عارفة بحاول أصفى بس والله متوقعتش منه:(


















