Ministry of National Unity and Civic Engagement

J’étais très heureux de vous recevoir ce lundi au Ministère de l’Unité Nationale et Engagement Civique, nos echanges furent immensément fructueux. Je souhaite à toute l’équipe de professeurs et leurs accompagnateurs un séjour studieux et productif au Rwanda. Ma sincère reconnaissance va également au Mémorial de la Shoah pour la qualité de notre partenariat. @Shoah_Memorial

Umugororwa Joseph Ntawangundi wari mu buyobozi bwa FDU-Inkingi, mu kwirega kwe no gusaba imbabazi ku bwicanyi bwa Jenoside yakoreye abatutsi mu 1994 aho yari diregiteri w’ishuri ry’ubuhinzi n’ubuvuzi bw’amatungo EAV Gitwe, aravuga mu mazina Abatutsi we ubwe yishe. Harabaye ntihakabe.

Mu ijwi riranguruye, nimwumve ukwicuza, ugushima imiyoborere myiza y’u Rwanda n’imihigo y’abagororwa 533 barangije igihano cy’igifungo ku bwicanyi bwa jenoside bakoze, bakaba basubiye iwabo bakeye. Ubu ni UBUDASA bw’ u Rwanda.

Ubudaheranwa bwacu burangwa n’ukuri Joseph Ntawangundi wakoze jenoside ari umuyobozi w’ishuri ryisumbuye rya EAV Gitwe, kuri iyi tariki 28 Ukwakira 2026 mu Igororero rya Nyamasheke atanze ubuhamya turi kumwe bungeze ku mutima. Ni mu gikorwa cyashoje icyiciro cya 10 cy’amahugurwa agenerwa abakoze jenoside bashigaje byibura amezi 6 ngo barangize igihano cyabo. Uyu munsi amahugurwa yashojwe n’abagororwa 533 barimo 225 bakomoka mu Ntara y’Amajyepfo ari nabo benshi. Joseph Ntawangundi ari muribo, akomoka mu Karere ka Nyamagabe. Muribo 277 barangije igihano cy’igifungo cy’imyaka 30. Nyuma ya jenoside Joseph Ntawangundi yarahunze akomeza kuganzwa n’ingengabitekerezo ya jenoside mu ngirwashyaka rya Ingabire Victoire Umuhoza FDU-Inkingi. Ubu yarahindutse kubera imiyoborere myiza y’u Rwanda yabimufashijemo. Abagiteye batyo nimwumvireho. Ntawangundi yanyemereye bose babyumva ko azigisha Ingabire wahoze ari Nyirabuja. Uwaduha akamwumva.

Iherezo rya Landoald Nkomeje ni ribi nkuko ndisobanuye @muhirejoseph13. @oswaki. Lando nkuko twamwitaga yari umunyamakuru wa ORINFOR Ikigo cy’igihugu cyari gishinzwe itangazamakuru akaba yari n’umuhanzi. Yari umunyakuri n’umunyeshyaka. Yishwe n’Inzego z’iperereza za Habyarimana zari ziyobowe na Augustin Nduwayezu, ararigiswa kugeza n’ubu ntabwo abe n’inshuti ze tuzi iyo yaroshywe. Ntibwari n’ubwa mbere Habyarimana akora ayo mahano kuko nirwo yishe abategetsi n’abakozi barenga 70 bakoranye na Kayibanda. Urupfu rwishwe Lando Nkomeje ni narwo rwakorewe Padri Silvio Sindambiwe wabaye umuyobozi wa Kinyamateka akanamagana wese akarengane kakorwaga na Leta mu nyandiko ze cyane cyane mu yakundwaga na benshi yitwaga BAZUMVA RYARI? Leta yishe n’abandi hagati ya 1987 na 1990 barimo Dr François Muganza, depite Felicula Nyiramutarambirwa, Diane Fossey bitaga Nyiramacibiri, Colonel Stanislas Mayuya n’abandi benshi Leta ya Ikinani yishe ibaziza guharanira ukuri. Ibi ni bimwe mu bimenyetso byariho mbere y’ urugamba rwo kubohora u Rwanda rwatangijwe na FPR byerekana ko u Rwanda rwari rugeze aharindimuka. Rwari rukeneye Umutabazi. Nabonye hari uwanditse kuri X kuri iyi nkuru arihanukira ngo “iki kigabo kirabeshya” ariko ntiyabitangira ikimenyetso byibura na kimwe, uretse gutukana. Aha Data sindangwa n’ibinyoma. Ngo bimarire iki? Erega ukuri guca mu ziko ntigushya. N’iyo kwaba kuryana ariko kuba ari ukuri kandi kugahora ari ukuri. Tukwemere niyo kwaba kuryana.