Wassim

انا مولود في السبعينات يعني قبل ما يخترعوا ان فيه حاجة اسمها تنمر اصلا فتخيلوا انا عشت حياة فيها زملاء الدراسة والمدرسين والجيران وحتى الغرباء في الشارع بيتنمروا على ودني وبدرجة اقل على شعري الاكرت او على ضبي وبعدين كنت افتح التلفزيون الاقي سمير غانم في مسرحية ماسك حد تريقة على شكله او تخنه او لونه او قصره او محمد صبحي او عادل امام او اسماعيل يس هو بنفسه بيتريق على نفسه من اجل اضحاك الناس !!! الخ كنت متضايق طبعا ومستغرب ليه الدنيا كده ما انا كويس وطيب وشاطر في دراستي وبابذل مجهود اكون احسن علشان اثبت للناس ان انا كويس بس شكلي هو اللي كده وانا انسان جاد ! مش عاوز ابقى كوميدي ودمي خفيف علشان تقبلوني ! ولا هاسخر من نفسي علشان انتم مرضى في نفسكم ! بس برضه احيانا كان الضيق بيوصل بيا وانا صغير او مراهق اني ممكن اعمل مصيبة زي اللي بنسمع عنها في مدارس امريكا انا عشت حياة قاسية قوي في كل لحظاتها مش ها يحس بيها الا انا رفض في الشغل رفض عاطفي ناس تاخد جنب لحد ما يثبتلهم اني حد كويس حتى لما بقيت حد فاعل ومشهور وغصب عني اتفرض عليا ابقى شخص اجتماعي وانا اصلا شخص منطوي جدا وليا معجبين ومعجبات بل بقيت اتلقى ابيات شعر وعروض للحب والزواج كان لسه العيال اللي بتقولي يا ودنو موجودين !!! وبيحاولوا يثبتوا للناس كلها قد ايه انا وحش بس طبعا مش بطفولية زمان لا باساليب اجرامية قذرة زي تشويه السمعة والاغتيال المعنوي اصل ازاي شكله كده ويبقى انسان كويس يعني مش قادرين يتقبلوها !!! اكيد ده انسان شرير وفيه كل العبر !!! التنمر بقى متعرف ومتوصف ومتجرم دلوقت لكنه لم ينتهي حتى معايا انا شخصيا لم ينتهي رغم اني كبرت واحلويت زي ما انتم شايفين :)