الريـم🇦🇪

#حادث_الفجيرة في نفس اليوم طلعت للعاصمة ابوظبي لزيارة قريب في المستشفى وتاخرت قليلاً في الطلعه وراجع على الفجيرة، وصلت الى الفجيرة واجوف حادث كبير امامي حادث كارثي اقل مانقول عنه قلت بتجاوز المكان وبطلع لانه مب من اختصاصي الوقوف في المكان، طلعت وعبرت وفي طريقي اتصل لي صديق بريطاني راجع من دبي الى الفجيرة قال لي سمعت عن الحادث الكبير انا هني مندعم وابوي متعور شوي رجعت بسرعه ل مكان الحادث عشان اخذهم معاي وقتها شفت ان الوضع يحتاج المساعده عطيتهم سيارتي وقلت لهم روحو عالمستشفى وقعدت في منطقة الحادث اساعد فاللي اقدر عليه وقتها اقول في قلبي شي واحد نحن نشوف هذي الاشياء جدامنا ومانتمنى احد يشوفها، كيف الاهالي بيقومون الفجر على خبر الحادث ننتشل جثث مانعرف اصحابها ، السؤال اللي يدور في ذهننا هل هذا الشخص من العائلة او صديق او شخص لنا معرفه به ؟ والله وقتها نجوف كل شي صار وتفكيري كله في ذوي المصابين و المتوفين اقول في قلبي كيف بيستقبلون الخبر! اقول والله الصباح الفجيرة بتكون حزينة والمنطقة الشرقية و الامارات كلها بتصحى على هذا الخبر الحزين، اللي شفناه في مكان الحادثه الله لايعيده علينا ولا عليكم و لا تشوفون مكروه في محبينكم كتبت هذا الكلام لاني في وقت الحادث اقول في قلبي نحن نشل جثث مانعرف اصحابها اصدقاء، اهل، جيران، معارف ؟ وطلعت هذي الحقيقة منهم معارف ومنهم جيران لنا سبحان الله الدنيا كيف قصيره وفي لمحة بصر فقدنا حول ال 15شخص بسبب استهتار شاحنة وغير الاصابات البليغه حادث الفجيرة ماكان اي حادث عابر هذا الحادث بيتم في ذاكرة كل شخص كان موجود في قلب الحدث وكل شخص في المنطقة الشرقية وكل شخص سمع عنه الله يرحم من رحل ويتقبلهم من الشهداء ويشفي المصابين ويصبر ذويهم انا لله وانا اليه راجعون