cherophobic

Dear Sen Robin, Sorry, hindi ko natiis na sulatan kita. Pasensya ka na sa isang irrelevant, talunan at matandang kahit retired na ay nagsisikap pa ring makapag-bayad ng tax para may pampasweldo sa inyo! Nung auditor po ako, naka akyat ako ng mga bundok. Rebel Returnees’ Fund po kasi ang inaudit namin nuon. Hindi lang po bundok, tumawid ng ilog, may pandong na sako. Umakyat din po kami ng bundok at nagbilang ng coconut trees kasi nag-audit po kami ng Phil Coconut Authority nuon. Napunta na rin po kami ng BARMM, may kasamahan kaming pinaulanan ng bala habang nasa Lanao. Naranasang akyatin ang tinutuluyang staff house, etc. Ganyan po ka exciting ang buhay auditor. Pero, depende po sa audit na isinasagawa. Ang hindi lang namin nagawa, mag-taping hanggang umagahin. Real po kasi ang audit hindi reels. Hindi po acting lang kung kami ay takutin! Hindi po drama lang kung maraming auditors ang nag-.retire na lang dahil sa hirap at dami ng trabaho. Kung mamalasin ay kukulangin pa sa pambili ng gamot kapag nagkaroon ng malubhang karamdaman bunga ng stress sa trabaho at stress na rin tuwing may hearing, impeachment man o simpleng budget hearing. Lalo na kung court hearing. May pondo po para sa education, may pondo rin para sugpuin ang rebelyon. Ibinabagay yun sa mandato at kakayanan ng ahensya! PS Nanuod ako ng utol kong hudlom, ang husay mo dun, yun lang! O ayan si Bea, hindi man namin kasing ganda, meron syang paalala! Sino ba ang nararapat magpaliwanag kung hindi malinaw kung paano ginamit ang pera ng bayan? Ang auditors at mga senador ay kapwa public servant. Mag-kaiba man ng papel, parehas silang may tungkulin na ingatan, bantayan ang pera ng bayan. Sana makapag selfie ako sa yo sa Monday😜