— سلام عليكم // أما بعد :
لكل غياب عودة ولكل عودة ملامح جديدة وها أنا أطل من جديد بالشكل الجديد
أنا القديم من البشر مظهر و زِي
وطبعي جديد مروّته من قديمة
اخذ لي الرمضى ، وأخلي له الفيّ
عاد الحبل باقي على شداد ريمه
وإن عرّض لـ صلف الهوى جرحي الني
والله ما اعرّض كل نارٍ هشيمه
راح عام بفصوله شهر يلحق شهر
ما سرحت بهجوس النفس ولا ضويت
أقهر ركاب قلبي بالمطارق قهر
وأنتهي من بداياتي لامنّي بديت
لا هماليل مزن ولا منابع نهر
جفّفتني صواديف الزمن ما وعيت
جعل وجهٍ غسل قلبه وفاه وطهر
يدري إني على عهد الهوى ما نسيت
أذكره وأذكر أيامه "بسر وجهر"
فالقصيد إن كتبت وفالمنام إن غفيت
كنت وإيّاه لا زان المساء والسهر
لو تشب الكويت بكبرها ما دريت
حافظٍ روحي اللي قدّمت له مهر
عن تغاريب هقواتٍ بها ما هقيت
ما أذكر إنه ظهر في وجهي اللي ظهر
يوم كانت ضلوعه للمناويخ بيت
مير أنا الحين عمري في يدين الدهر
لا ضحك لي ضحكت ولا بكى لي بكيت
يا شعاع النور خلّص عميلٍ من عميل
واستلم قلبٍ مع الليل عاف هْوايته
ومن تولع له بغايه وشيءٍ مستحيل
لا تلومونه عل سجتّه وادوايته
من يحسد مغني القاف لا جر الطويل
مثل من يحسد مريض ٍ على غذايته
القصيد أحيان نوع ٍ من الطب البديل
يستريح و يستلذ الحشا برعايته
- عبدالكريم البدراني
يا مدوخة شاعرك والدوخه الدوخه
وشلون ما ادوخ في وجهك وفي عودك ؟
ما انتي من البدر مطبوعه ، ومنسوخه
احلى من البدر وشهودك على عضودك
وزودً على الزين دلوعه ومطنوخه
عاد الطناخه ورثتيها من جدودك
الظاهر ارماح جدك راعي الجوخه
قد صفّها كل ابوها صف في سودك
عقال خلق الله بطاريك مرضوخه
وش عاد في واحدن كل ليله يرودك
ما انلام لا ذبت في جيدك وفي خوخه
لا صار حتى ذهبك يذوب فنهودك :)
عبدالله أبوضريس ودخولية الشتاء /
على الأبواب ياليل الشتاء خلك على الأبواب
ليال الصيف سوت ما يسوي ليلك البارد
ياليل إن جيتني ماعاد في جوّك طرب وأصحاب
من أكلم ؟ وانا قلبي ملول — وخاطري شارد
خسرت أصحاب وأكثر والسنه هذي فقدت أحباب
ولو أملك ماردٍ سحري خسرت السحر و المارد
أنا مجموعة إنفس كل نفسٍ تستحق أرتاب
وأنا المجرود من نفسي وأنا من نفسي الجارد
من الإدراك ما يقلب مزاج و وما يحرّق أعصاب
أعيش بعزلة أفكارٍ كثيره ما لها سارد
بعضها يلبس أثياب القصيد ويسبي الألباب
وبعضها لو يقول أصبر خذا من عمري وما رد
نذرت الصبر والإلحاح في رجوى الله الوهاب
وقلت إن كل شيٍ في حياتي ممكن ووارد
ياحلمي لا تعاتبني على الدعوه ورى المحراب
إذا ماجابك الـمولى ماجابك سعي و مطارد
















