الهنوف اللي تزيّن ولا تزيّنها القلايد
القلايد لا بغيت الصدق تزها في نحرها
والله إن الشاعر اللي مالي الدنيا قصايد
كنها تربط لسانه مثل ما تربط شعرها
الغزل صار بنظرها عادةٍ ضمن العوايد
نادر اللي لا مدح في زينها يلفت نظرها❣️.
لي ثلاث سنين بين الحقيقة والخيال
وآخر شهر ذا السنة تكمل الرابع غلاق
شبه وضحا فالمخاضير زاويها الحيال
من غلاها عن أهلها تبارى ما تساق
عندي إنك ماخذ تاج ربات الجمال
سلموك الحسن من باب صنعاء للعراق❣️.