عتيق

حين اتوفى ستدخلون هنا لتقرأو ماكتبت فإن وجدتم مايؤجرني انشروه وأن وجدتم مايؤثمني فاتركوه .

من عوّد ايديني على التلويح، واضرَى خطوتي تمشي دروبٍ غصب عن قلبي.. وعيني في قفاي! من كرّب ايامي ونسّاني ملامح ضحكتي ! من دسّ في صدري حنين وْذكريات وْصوت ناي؟ من استباح الضيق في وجهي وبهّت صورتي! من غيّب البسمَه عن عيوني ومن طرّف بكاي !

اختاري اللي تبين مْن الخطا والصواب المخطي اللي عروقه ما تحن وتميل اخذيني من الضما والخوف والاكتئاب واعيشك مْن الصعب لمصافح المستحيل والله لو ان قصّتي رحلة ذهاب و ايّاب بعيد عمري لعمرك يا ضماد العليل لو املك الشعر كله يا عزيز الجناب ما يكفي اللي بقول اللي بقوله قليل انا اللي اختار موته في عيونك وصاب عزّي له اللي ضياعه في عيون الدليل مادامك اللي غيابه يستحق العتاب انا بوجهك من الفرقا ووجهك جميل .

تسلّلت بعد التجافي و الوداع ما باقي الا ترتمي من خوفها اتشوفني لـ ظروفها خطة دفاع واشوفها تملي علي شفوفها صحيح معها كانت الدنيا متاع بس المحبه غادرت بـ ظروفها اشد من نهش الضواري و السباع يوم اتهجى فـ الوداع حروفها المعذره إخت الهروب من الرضاع لو تختلف بـ أنواعها و وصوفها اميز الرغبه .. و اميز الاقتناع واعذار ليلى من خضاب كفوفها عرفت وش فرق الهيام من الضياع اشكر قساوتها على معروفها ما عاد لي في وصلها حب إطلاع الرحله هذي قدرت أطوفها الحاجه إللي ما تجي بـ الاندفاع تصنع إنك مكتفي و تشوفها

في دربنا ، يا ثامن المستحيلات صار العتب مثله ، مثل رمية النرد يمكن يصيب ، و يقطع الاحتمالات و يمكن يخيب ، و نؤمن ان الجفى برْد خلّ الكلام و سكّت الشكّ بالذّات و فيما عداه ، الله يعينك على السرْد وشلون ما يحزن على الورد ، لا مات اللي قضى عمره ، و هو يسقي الورْد

يهرب من الاضواء ويعيش فـ الظلّ اللي .. ( قطار العمر ) مرّه و فاته عن رغبتك في فرض حلمك على الكلّ تنازلك .. ماهوب موت ، استماته فترة وتلقى لك من المشكلة ، حلّ ماانت الوحيد اللي تعَب في حياته اللي يضحّي .. فـ امنياته ، ليا ملّ بكرة ، يضحّي فـ اكثر من امنياته

دعيت ان العوض يآتي كبير وما ذخرت آمين عسى اللّٰه يطفي أوهام الشموع بلحظة احراقي يمر العمر . . والحزن يتلاشى والطريق يزين و اغني كل ما يلمس شعوري لهفة اوراقي أعرف ان العوض دايم يجي لكن يجي بعدين أنا ما كنت اظن إن العوض يستاهل إرهاقي

ما وصلك اللي ركب سكّة عبادي يبدو إن السكه أطول من حياته السفر ماغيّرك .. غيّر بلادي ضعت فيه.. وكنت أدل اربع جهاته فيه حبيتك وحبيت المبادي والمبادي موت والحب إستماته لاتخليك السنين تصير عادي في عيون اللي يقاسمك أمنياته و نادني . لو لا حياة لمن تنادي اسمي بصوتك -حياه- بحد ذاته

أرقّ من النسيم اللي بعد طشّ المطر صدّيت و احنّ من الكلام العذب ، ودّعتك و خلّيتك نويت اشفي غليل الحزن و جراحك معي و ازريت نعم ، لاني ورى قلبي عن الاوجاع خبّيتك أبد والله ما احب الوداع لكن انحدّيت و إعذرني على هذا الطريق المرّ حدّيتك كثر ما تلفح الذكرى هوانا كثر ما عانيت يا كذب القلب لو قالت مشاويره : تخطّيتك عزاي اني : تمالكت العتب مرّيت ، ماضرّيت ولا أخطيت في حق الهوى مرّة ، و خطّيتك . و عزاي ان الندم مامرّ قلبي قدّ ما حنّيت و كنت الطف من الدنيا عليك و ما تحدّيتك سمعتك للأخير ، و قمت ، و استأذنتك ، و قفّيت و خلّيت العمر عندك و أحلامي ، و خلّيتك

أنا اكثر بشر تغريه الاحلام والاحلام يموت الولد من دونها مادرك مراده يالايام وش باقي تخبين يالايام ؟ عسى باقيٍ من ديرة الوصل نشاده « مضى عام » عقبه عام واليوم ثالث عام ولازلت بقدام الطواريق وجداده ياماعذبك وانت تهب حتى مع الأنسام وياماقساك وأنت تغربّ الشخص ببلاده

طويت السنين وخاطري ذا السنه يادوب وانا الشاطر اللي غلطته .. غلطة الشاطر كثر ما سرح قلبي بحلمٍ ماهو مكتوب كثر ما تعدته الليالي .. وهو ناطر ماعاد احتمل زلة رفيق وخطا محبوب ولا افرح لغيم .. ولا اتشفّق على ماطر ماغير اتسلى بالهجيني ، وبالمسحوب عسى فالقصايد ما يفرّج على الخاطر

طوتك السنين الجرد يالشارع المهجور حتيت الشجر ماحط لك بالخُطى معبر يعلّمك عن طول إنتظاري ظلال السور لا مر الحنين بشارعك والضجيج أدبر الأعبر من غيابك حضورك بدون شعور تخيّل يكون حضورك من الغياب أعبر معك هقوتي مثل الصور في رفوف الدور تمـر السنين بعمرها بس ما تكبر ..

كثر ما كنت أخاف المفارق صرت أشوفه خير مثل ما كنت أخاف من البحر قبل اطلق شراعي غديت أودّع المقفي ولا أحب أسمع التبرير أشوف إن التفاصيل الكثيرة ما لها داعي فـ أنا يا اللي تظن إني بدونك ما أحسن التدبير هجرتك وأشتعل نور الحياة و زانت اوضاعي

عن شحيحات الموارد فجوج الله وساع لا تلوم نظاف الأيدي مع من لامها كل ما جينا نصافح ، نصافح باندفاع مشكلتنا نعطي الناس فوق احجامها كم صنعنا من جميل مع العالم و ضاع وكم تغير طعمها يوم كف اطعامها من كثر ما نكرم الوجه ويطيح القناع كل «هقوة طيب» صرنا نشدّ حزامها

تعابير الوجيه الصامته تستنطق اللمّاح عيونك صارحتني في كلامٍ قد تحقّقته ما تحملْه المشاعر في الخفا تشعر به الارواح وانا احساسي ماهوب يخونني لا قال صدّقته تغانمني ترى ما عاد باقي لي كثر ما راح ذبل غصنٍ رطيب وجف ماه وحتّت اورقته على كيفك تبي تشقى معي والا تبي ترتاح انا حلمٍ لغيرك ما تحقق في ملاحَقته ترى وجيه الليالي وانت داري شاحبه وشحاح كم اغتالت لها ضحكه ويا كم شمل فرّقته هقيتك تعتذر وتجي تراضيني وانا دمّاح يا زين العذر لا من جاء من الغالين في وقته ولا أكبر من ضياع الهقوه وقدر الكبير ان طاح سوى اللي ما هقيت آفارقه يا لين فارقته من يقفّي لا يرجي من وراي استعطفه بـ إلحاح من يقفّي يقفّي والسلامه في مرافقته على ذكرىً تزايفها الهبوب وسافية الارياح سلام السامح اللي معتق جروحه ومعتقته ما عاد يشوقني ضوح المزون وبرقها اللوّاح لو انه باقيٍ في خاطري حلمٍ ما حققته

مساء الخير واما بعد ما فـ الفجوج فجوج تنسي .. كثر ماهي تنسيني عيونك متى ادوج فـ رحاب المحاجر تعبت ادوج رحابٍ مافيها من جمالك .. ومن لونك حبيبي .. ليا صادفتني بالدروب العوج قل مْن الكلام اللي تبي غير وشلونك لارجتني الدنيا .. ماقالو لي المرجوج وانا فيني من الحزن ما ياسع بـ كونك ليا جادك الغيث ولفت طرفك المدعوج تذكر كريمٍ جاد فـ العمر من دونك سهجت الفواد اللي قبل ماهو بـ مسهوج وغيرك ماهموني .. اجل لا يهمونك تمادا علي واسرف وباب العتب مزلوج يخلونك تسوي كذا .. مايخلونك فدا وجهك اللي بالدلع والخجل ممزوج وجيهٍ لاشافو دمعتك ما يراضونك جديلك .. من اجمل ليله تمرنا منسوج ياحلو السهر فـ الليله اللي على متونك تروح السنين ايام يالفارع العمهوج ليا من لقيتك .. قبل ما الناس يلقونك

يابدايات الطريق اللي .. نهاياته مخيفه ابتدينا بالسعاده ، وانتهينا بالحسوفه اول الرحله عيوني من غثا الدنيا كفيفه واخر الرحله ، جروحً داميه تبغا مروفه صابني قو انعزال ، وصابني روعه وخيفه وددنا ندله وننسا .. مير ياصعب النكوفه كانت كبار الخطايا من غلا اهلها ، خفيفه واثر قلبي شاف شيً قبل ماعيني تشوفه اتركوني لا سريت وشانت النفس العفيفه اتركوني في دروبً .. مبهمه غير معروفه من يمر بحالتي .. حتى ترا ثوبه يعيفه لا لقى للضيق حل ولاقدر يشكي ظروفه مابقى شي يقال ولا .. بقى شيٍ نضيفه غير كلمه من معيف عاش ماحصل شفوقه انتهينا ياوليفً ماعرف قيمة وليفه بطلب الخيره ياقصة حب ماهيب مخلوفه

ضاعت ورا جِيدك سنين، ومداهيل واِحتلت، لكن الظمأ فيك، جَنّة أعْرِف طرِيقك بيْن معنى، وتأوِيْل ما صدَّت.. عيون المعاذيْر عنّه أنا أتفدَّى الدار، والحِلّ، والخيْل ومرابط جدودك.. وبِيْض الأسنَّة رمشٍ سكن طارف تقاسِيْمه الليل كيف يتسرب مطلع الفجر منَّه؟

يدور الزمان ويختبرنا بدون إنذار وتبين الفوارق فالرجال ومعادنها أحد خالقه ربي مثل كرسي الطيار لـ حلت مواقيف الشدايد طلع منها وأحدً خالقه ربي مثل شغلة المنظار يدقق على حاجات ما أحدً درى عنها وأنا عكس خلق الله مثل حالة البحار لا طاح المطر ضيق على النفس وأحزنها رياجيل ندفنها وتبقى طوال أعمار ورياجيل ماندريبها لين ندفنها بعضهم على المنصب يجمل وياطى الحار ليا قال كلمة للرياجيل برهنها وبعضهم مثل حاكم تحت سلطة استعمار على العرش لاكنه لا يأمر ولا ينهى ولقيت الجمايل ردها مثل رد الثار لا صارت من اللي كل فتره يبينها وخذيت السواد اللي يجي فالقمر معيار تشين الوجيه وفعلها اللي يزينها وترى خوة الصالح مثل خوة التجار لاحبوك دلوك اسهل الطرق واحسنها وترى الجاهل اللي ضاع في لفت الدوار يشوف المخارج واضحه ما تماكنها لاقلت الطريق يمين قال الطريق يسار لا روّح من ايسرها ولا افلح مع أيمنها أساير زماني مثل دكتور وسط شهار أسولف لـ عاقلها و أجامل مجننها لاشفت الطيور اللي لامخلب ولا منقار شكرت الغصون اللي من الخوف تمنها ولاشفت الشعوب اللي بعضها يعبد النار ذكرت الضعوف اللي تودد لهاينها تقول العرب صدق عيونك قبل تحتار وأقول الحقيقه وجهها غير باطنها أصدق كلام اللي يقول النجّوم كبار وأكذب كلام اللي عيوني تعاينها ماكل ارتفاع يدل دايم على مقدار تعلا النسور وجيفة الارض موطنها

كل احتمالات اللقاء مستحيله حاولت اشوفك مثل ما انتي تشوفين اثر الليالي فالمحبه بخيله حاولت في كل الطرق ، عيت تزين كنت انتظر هذا اللقاء كل ليله حرام نتحمل فعل حظنا الشين فيني وله عيا خفوقي / يشيله وعندي كلام وعندي لحضنك يدين دموعك ان طاحت تراها ثقيله لو كان ينبت من وراها بساتين لو قلت احبك طول عمري قليله حبك هو اصدق شي فيني و تدرين ان الليالي البارده والجميله راحت مع اكتوبر ثلاثه وعشرين