اتهيّا ل " الهبوب الباردة " وتهب نودك
وانت نودك ما تهب الا بعدها رش صيّب
وين ألقّي عن هواك ووين آولَي عن وعودك؟
يا مسيّبني على جسرٍ مثل جسر المسيّب
اشجع الشجعان تقدر تكسره قسوة جمودك
لا تقول " مجرّي الهيّاب وشلون يتهيّب "
مستحيل آزعّلك في يوم .. وافرّح حسودكِ
لو فضا صدري يضيق ولو شعر راسي يشيّب
عوّضتني عن سواد اللي مضى نظرات سودك
مثل ما اعتضنا بابن مشهور في غيبة حبيب
شاعركِ خلّد من الافكار ما يضمن خلودك
من ظفر في كل بكر .. تعيّفه في كل ثيب
لو تحاول كل يوم انك تحَصْره في حِدودك
قدره اكبر من مقام " مذكره ولا كتيّب "
إبتعد ولا إقترب ، ما تختلف قيمة وجودك
"انت ، لا قبلك ولا بعدك .. بعيد ولا قريب"
ياصفوة آمالي من ، عيون الآمال
لا تبتعد وتصير مـثل .. الفقيده
وان جيتني لا تنتظر شرح وجدال
ضم المشاعر قبل تمسي وحيده
انت الهوا والغي ، والحب والفال
وانت القصيد وكل فكره جديده
وانت الكلام الي من القلب ينقال
مانت بـ كلامٍ كل غاوي.. يعيده
وانت الغزال الي مايطري على بال
يتعب له الصياد .. وازرى يصيده
وانت الطريق الشرح في كل الاحوال
واول طريقٍ يقطع العمر .. سيده
وانت السحاب الي سقا كل مدهال
تنبت له الدنيا على الي .. يريده
وش عاد باقي للمشاريه واحتال
ماعاد لـ الحيلات سلّم عقيده
اما تجي وارقابك الرجم واختال
ولا اعتبر ماصار فرصه سعيده
لو يعرفون انك عل الارض تمشين
ماسمو الارض العريضة بسيطة
قالوا القمر والشمس تشبهك بالزين
كانهم تمادو وألسنتهم .. سليطة
انتي وحيدة ما يجي مثلك اثنين
مافيه احد يشبهك وسط الخريطة
من رأسك لخلخالك لمحجر العين
لرموشك الي في عيونك محيطة
انتي فرس من جاك ذاق الأمرين
ومعافرك مثل الخيول النشيطة ❤️
