حمود مبارك

ضميرٍ بلا قيمة حياته مثل موته ..

ياهل القصيد العذب والمنطق الزين لا تتركوني بين جرّد الفيافي قريحتي صارت اتسلفني بـ دين مثل اللعوب ان هددت بتجافي شعوري ابلغ من قصيدة وبيتين من كبت حزني يكسر الوزن قافي اجرّ مطلعها واذوق الامرين ويروح ليلي ماشرحت اعترافي حاولت احايلها على العسر واللين وهي من اوّل تجلّب البيت دافي

امرّ في حالة قلق واضطرابات من كل حاجه ضيّعتها يديني على اختلاف الأزمنه والخلافات مات الشعور اللي تجرّع حنيني احس بالغربة برغم العلاقات اللي معارفها حصيلة سنيني رحت اتدارك مابقى لي من شتات ولا بقى منها سوى دمع عيني البعد : ماهو مرتبط بـ المسافات محبتك من عمرها تحتويني كل شي من بعدك بقى حي مامات إلا انا كل شي ، احسّ مات فيني

الوعي الكبير في عمر صغير يقتل كل شيء حتى الشغف.