كن عمري قبل لا أعرفك مقدار زلّة
وكل حاجة بعد ما جيت على قياسي
غاسل الصدر من ضِيقه وشرّه وغله
( من حنااااانك أحس الوقت ما عاد قاسي )
وروحي اللي من الإرهاق لبسي تملّه
إستراحت معك يا أريح علي من لباسي
يسعدني إن دمعك عشاني تهلّه
سمح المحيا خاطره منك مسموح
وشماغك المفهوق مهما تبلّه
ياما عليه أخلي الكحل مسفوح
من حقي إنك تحزن العمر كله
ماني بـ طاري ياخذ شوي ويروح
مثل البدر فارق مابين الأهلّه
شعوري الواضح مخليك مفضوح
غيري كلام إن مر سمعك تملّه
أنا الكلام اللي من الروح لـ الروح
إن بقى لي حبّ جعله في قلوب أخواني
و إن بقى لي ذكر جعل السمعه أبرك سمعه
عايف لذات بقعاء كلها .. من داني
زاهدٍ ماعاد لي فوق البسيطه طمعه
غير دعوه مستجابه من حدّا شيباني
بين زمزم و الحطيم و آخر نهار الجمعه