Pinned Tweet
عندي اقتناع تام جدًا بأن اللي يساعد الناس الله يسخر له اللي يساعده، الخير عبارة عن دائرة تدور وترجع لك، تبي تفرح فلازم تفرح احد غيرك، تبي الله يستجيب دعوتك ادعيها لشخص محتاجها ، تبي النجاح تمنى النجاح لغيرك، بكل بساطة ساعد ستُسَاعد.
بعد خبره قليلة اكتشفت ان الاختيار الصح ماراح يخليك مبسوط بس هو الاحسن والافضل لك مستقبلاً ، والاختيار الغلط هو اللي راح يخليك مبسوط بس هو الاسوأ مستقبلاً.
شعور جميل لما تكون لسه متعلق في علاقة حب سابقه فاشله اياً كان نوعها وكنت تعتقد انه مافي اجمل من هذاك الشخص .. وبعدين تكتشف انه والله في ناس اجمل وأحسن .. تحس كأنه السلاسل اللي كانت مقيدتك بالماضي انفكت .
6
893
اللي اهتمامها الماده وانها تتوظف وتنجح عمليًا وتتزوج اللي يرفعها اجتماعيا كفو عليها الله يقويها واللي تبغى تبني اسرة وحلمها تكوين عائلة وتحتاج رجل كفو على قد دخله تعيش برضو عندها هدف ورسالة بالحياه الله يوفقها،مافي شئ اسمه فريق صح وفريق غلط فيه شئ اسمه لكل انسان اهداف ومسار مختلف
اكتشفت ان كل العيوب اللي ممكن احد يشوفها فيك ، احد ثاني قادر يشوفها ميزات الصداع ممكن ينشافو حيويه وطاقه الزن يطلع اهتمام والكلام الكثير ينشاف حب حتى السكوت ينشاف ونس .. العيب طلع في العين الي ماتشوف تصرفاتنا بعين المحب احنا حلوين بس مع ناسنا وفي مكانا الصح .
لما تلاقيها قلقانة عليك طول اليوم عشان مهي عارفة توصلك ولما توصل تقوم منكدة عليك، اعرف إنك اخترت صح.
حرصك انك تصحي النايم عشان الصلاه،تخرج تشتري اغراض البيت والكل جالس ، تقفل المويه اللي ماتقفلت صح ، تدعي لميت عشان واثق انه ماله اقارب ، تزور اقاربك بدون مناسبه، تفرّح الاطفال بأي شي يحبوه ،تحافظ على الاكل الزايد،تطعم حيوان في الشارع، تبادر بالصلح،كل هذا من الخير مايضيع عند الله .
تخيل إن مجرد علاقة سويه وحده تقدر تخلى الانسان يتعافى من مشاكل نفسيه كثير ،و ممكن يتعافى تماما، علاقه صحية فيها تقبل وحب غير مشروط ، كل طرف بيعطي الطرف الثاني وضعه ويحسسه إنه طول الوقت مقبول، وان الغلط يتعالج بالحب والتفاهم، علاقه وحده من ذي تغنى عن الدنيا كلها ومافيها .
كبرنا، بس لسة نحتاج هدية ميلاد، ولبس جديد للعيد، وطلعة حلوة تكسر الروتين. نحتاج حضن وأمان، وطبطبة وقت الألم، وأحد يسندنا لما ننكسر. نحتاج تشجيع، ونسمع «طمني لما توصل» و«انتبه على نفسك» و«معليش، أهم شي إنك بخير».
مين قال إن الكبار ما يحتاجون كل هذا وأكثر؟
قال النبي ﷺ:
«إنَّ للهِ مائةَ رحمةٍ، أنزل منها رحمةً واحدةً بين الجنِّ والإنسِ والبهائمِ والهوامِّ، فبها يتعاطفون، وبها يتراحمون، وبها تعطفُ الوحشُ على ولدِها، وأخَّر اللهُ تسعًا وتسعين رحمةً يرحمُ بها عبادَه يومَ القيامة»
رواه البخاري ومسل
إذا اشتغلت بإخلاص في اي مكان حتى لو محد سمع عنك او شافك ، بتلقى الرزق يبحث عنك ويجيك ولو على ضعفك ، اخلاصك وإتقانك في اي عمل لك ربي راح يبارك لك صدقني .
قال رسول الله صلّى الله عليه وسلمً:
«احرص على ما ينفعك، واستعن بالله ولا تعجز… وإن أصابك شيء فلا تقل: لو أني فعلت كذا لكان كذا، ولكن قل: قدر الله وما شاء فعل.»(رواه مسلم)
اتزوجوا ناس تبتسم على الصبح ،ناس تحب القهوة و الموسيقى و الكتب،ناس هاديه و فاهمه و بيسمعوا اكثر ما يتكلموا ،ناس بسيطه وواضحه، ناس ماعندها اسرار ماعندها بخل فى الفلوس والمشاعر ،ناس انجرحت و ناويه تحتفظ فيك ناس فاهمه نفسها وعارفه طريقها ،مو ناس غامضه مشاعرها وحياتها كتاب نصه محروق.
يارب لاتخلينا ثقال على احد ، ولا تخلينا مجرد فترة في حياة احد ، ولا تخلينا مجرد سد خانة ، او تعويض غياب احد .
