ودي افسر ظاهرة ان الواحد لما يكون متعلم شوية معلومات يبدا ينظر على الناس كذا عشان يثبت نفسه ؟
اشياء اشوفها بالنادي وتحزني:
١- بنات بعمر ٢٠ سنة وكتلتهم العضلية اقل من الطبيعي ووزن ٢.٥ يخليهم يرجفون.
٢- نساء ما يقدرون يسوون سكوات بسبب مشاكل الركبة وضعف العضلات المحيطة فيها.
٣- بنات صغار بالعمر عندهم دهون حشوية مرتفعة ومو عارفين حجم الخطوره.
٤- نساء داخلين الثلاثين وكتلتهم العضلية اقل من المستوى الصحي المناسب لمرحلتهم.
٥- نساء كثير يعانون من مقاومة الإنسولين وارتفاع نسبة الدهون بالجسم مع ذلك ماتفكر تنزل الدهون قد ماتبي تبني قلوتس.
٦- بنات بكامل صحتهم لكن يواجهون صعوبة في اداء الحركات اليومية الأساسية مثل السكوات واللانجز وحتى البوش اب.
٧- نساء كثير عندهم ضعف في عضلات الجذع والحوض، واللي لها دور مهم في الثبات والتحكم بالحركة ودعم الجسم.
اللي يحزني فعلا إننا نعيش في زمن المعلومات فيه متاحة للجميع، ونعرف اكثر من اي وقت ثاني اهمية الرياضة والتغذية، ومع ذلك لا يزال كثير منا يهمل صحته لين تبدأ المشاكل تظهر.
التمرين مو بس عشان جسم مشدود، ومو بس عشان ننزل وزن او نلبس مقاس اصغر.
لا تنتظرون لين تفقدون القوة والقدرة على الحركة عشان تبدؤون تهتمون فيها، صحتكم هي استثماركم بالحياة.
