بقولكم قصتي مع يوم الاربعاء
كانت لي صديقة مقربه لي الله يرحمها برحمته توفت قبل ثلاث سنوات بالضبط تحب يوم الأربعاء حب غريب وكانت دايم تتفاءل فيه وتقول إن الأشياء الحلوة تصير بهاليوم
وكان بينا اتفاق إن كل أربعاء نطلع واشوفها والغريب إن فعلًا أغلب المواقف الحلوة والذكريات اللي تجمعنا كانت تصير يوم الأربعاء لين صار يوم من الايام كانت ليله "جمعه " الساعه ٤ الفجر كانت تكلمني مكالمه فيديو نتفق فيه على شوفتنا الجايه وتوريني شنو بتلبس واذكر كنت اصور الشاشه وأسجلها واحنا نستعبط ( طبعا للحين عندي التسجيل ويعور قلبي كل ما شفته) بعد المكالمه نمت وقمت على خبر وفاتها الله يرحمها سبحان الله سكرت المكالمه منها ٦ الصبح وتوفت ١١ الظهر
وبعد وفاتها الله يرحمها كرهت الاربعاء سنتين كنت كله انام يوم الاربعاء ومابي اتذكر ولا ابي اشوف ان اليوم الاربعاء لين قررت ان هاليوم اخليه ذكرى لها وادعي لها فيه
ومن بعدها صار للأربعاء مكانة مختلفة بقلبي، كل ما جاء تذكرتها وتذكرت ضحكتها وتفاؤلها فيه كانت تشوف الأربعاء يوم حظها وأنا اليوم أشوفه يوم ذكراها الله يرحمها، رحلت وبقى يومها المفضل يذكرني فيها كل أسبوع ❤️






