𝓒𝓱𝓮 ✯ 🌶

طيب البوست ده هرد على يارا عشان كتبتلي رد مهذب، بس حبيت ارد في بوست لعل الناس تستفيد وتفهم لأن الموضوع مش crystal clear زي مالاغلبية فاهمة. اولا احنا هنا على interactive platform يعني منصة تفاعلية. تقدر تكتب عليها انك بتحب الشاي بلبن او ان الشاي بلبن ده احلى مشروب، وده تعبير عن رأيك عادي، فيخش واحد يقولك ان الشاي ابو لبن ده مشروب نتن واللي بيشربوه معدومي التذوق. هو محدش طلب رأيه، بس طالما انت قولت رأيك فالناس هتتفاعل بالتأييد احيانا وبالاختلاف احيانا. وماتنساش ان رأيهم ده مامنعكش خالص من الاستمرار في التعبير عن رأيك. نيجي للجزئية التانية وهي السخرية والشتم والسب، ودول جزء من حرية التعبير وكلنا بنستخدمها حسب تقديرنا للموقف.صحيح لو واحد كتب انا بحب الشاي بلبن واترد عليه بشتيمة اكيد كلنا هنحس انه شخص قليل الذوق وسافل لكن بالتأكيد هو مش ارهابي ولا داعشي، لكن ده مايمنعش اننا بنستبيح السب والشتيمة عادي وبنمارسها على ناس بتعبر عن رأيها او احساسها على صفحتها، واحد مثلا كاتب اتا بحب السيسي جدا او كاتب ان اسرائيل دولة جميلة او نتنياهو راجل ملهم وشخصية رائعة، او ان عبدالله رشدي كلامه مية مية او ان الستات ولبسهم هو سبب التحرش، او ان قاتل نيرة اشرف شهيد او ان الشعراوي كان شيخ معتدل وجميل، او ان الاخوان كانوا ناس زي الفل، او لادينيين بيسخروا من دين ما، كل دي آراء على فكرة. والناس حقها تعبر عنها وانت حقك تعارضهم وحقيقي لا اعتبر شتم وسب اصحاب هذه القرارات ضمن قلة الذوق حتى. كذلك التحفيل على ناس وارهابهم فكريا لانهم بيقولوا فكرة مش على هوانا بيتعمل دايما زي ماتعمل مع سعدني والواد التخين بتاع الستاند اب كوميدي وبيتعمل مع عبدالله رشدي ومع ملحدين ومع نسويات عادي. صحيح سياسة تويتر بتمنع السب في العموم مهما كان السبب، لكنه يظل وسيلة للتعبير عن الرأي وكلنا بنستخدمها في اوقات نظن انها حكيمة وحتى لو اختيارنا للتوقيت مش صحيح فده يجعل مننا ناس قلالات ذوق مش ارهابيين ولا دواعش. ايوا كلام جميل بس ده ايه علاقته بإني اتكلم عن ديني وعن رموزي وافكاري الدينية من انبياء وقديسين وصحابة، ولا انت عايز افكاري وشخصياتي الدينية تتعامل معاملة اسرائيل ونتنياهو والسيسي والاخوان؟ زي ماقولنا الحقيقة ان دينك هو فكرة وفكرة سياسية بحتة ورموزك الدينية هم رجال سياسة وحكام ومستعمرين وغزاة، بل هم في وجهة نظر ناس كتير صورة طبق الاصل من داعش ويراهم البعض انهم بمقاييس اليوم مجرمي حرب ده لايعني انهم مجرمي حرب بالفعل لكن يراهم الكثير انهم مجرمين وايديهم ملوثة بالدماء والخراب وجرائم ضد الانسانية ارتكب بعضها ضد بني جلدتك واجداتك. فلما تقدس او تطبل لافكار ولناس مشتبه في انهم مستعمرين او قتلة او مجرمين جزء من تحملك للمسؤولية (طبعا كإنسان عاقل متفهم للفكر والفكر الاخر مش كخنزير شايف ان على راسك ريشة) انك تقدر جدا لما ناس تجادلك وتهاجم افكارك وتطبيلك. تاني الكلام ده موجه للعقلاء مش لاصحاب الحق المطلق اللي شايفين اديانهم ومقدساتهم ورموزهم فوق التعليق والنقد وعايشين لسة في العصور الوسطى. طيب هل المسلم عادة بيتم مواجهته لما يفخر بدينه وافكاره، لا ده شيء مش طبيعي ومش بيحصل مع المسلم، بيحصل مع اصحاب كل العقائد عادي. لكن محدش بيمس المسلم ولا يعلق على كلامه عن عقيدته مهما وصل من الفشخرة برحمة وسلام وجمال عقيدته وكياتة رموزه الدينية وصحابته. ليه بقى حصل ده مع يارا؟ دي حاجة هشرحهالها هي بقى في منشني معاها لي مهتم بس هي حاجة خاصة بظروفها عامة. فماتخافوش دي مش ظاهرة جديدة ولا حاجة، عادي استمروا في الفشخرة بافكاركوا ورموزكوا محدش هيقولكوا حاجة.