لازم نستوعب إن السعودية هي معقل الإسلام على الكوكب، وما يخفى عليكم القوة والصلابة اللي يتسبب بها الاسلام في المجتمعات المسلمة الحمدلله وهذا الشيء اللي مستحيل تشوفه في كل الدول الغير مسلمة! وترى الجميع يعرف قوة تأثير الإسلام على الفرد المسلم، وكيف إنه يضبطه ويضبط كل تصرفاته، فكيف إذا صار المسلم سعودي!! يجتمع الدين، والحميّة، والعروبة في إنسان واحد. ولو تلاحظون الحملات الموجهة كيف كثرت على المملكة، أسألكم بالله مو ملاحظين؟ ولو تلاحظون أكثر كيف أنها حملات موجهة لضرب العقيدة، أو التفاصيل اللي تخص الدين والشرع! وطبعًا يخسون ويبطون عظم ... لكن الفكرة إنك لازم تستوعب وما تنجرّ خلف كل ناعق وأهبل ما يخاف الله، لأنه والله ما يبغى لك الخير قد ما يبغى يستخدمك لإثارة فتنة في راسه .. يعني والله العظيم يا ناس السوشل ميديا خلطت الناس، الصالح والطالح صار يقدر ينشر أفكاره! خلكم واعين باللي جالس يصير أرجوكم ... هذا والله العظيم نوع من أنواع الحرب الباردة، لكن نعيد ونكرر .. ايش؟ يخسون.