كلامك البارد .. و أندفاعي الحار
واغنياتي و شِعري و صمتك الحاسم
تلاقوا في دربٍ — تملاه الأسوار
مصدودٍ عن هوى غيرك وانا هايم
انا لي فؤادٍ .. مايعرف للغلا اعذار
وانت لك فؤادٍ — عن الهوى صايم .
لو ضرني فـ الهوى , لا يمكن اضره
انا القسى منه اشوفه موقف انساني
احب خيره , ولاني , متقي شره
وش خانة الحب لو ما اضيق واعاني
ما عاد له في دروب مواصلي جره
يالله عسى خير وش خلاه ينساني
اثر الليالي بليا , شوفته مره
ما ذقت طعم المراره لين خلاني
يجوز اسرفت فآمانك وفي حبِّي وفي هقواي
ولكن خيبتي اكبر من اللي قد تصورته
يفرِّط بي عزيز اصحابي وْواحد من هلي،وعْداي
ولكن قلبك اللي حبَّني ؟ ماقد توقعته.
وش يْخفِّف شعور الخيبة ومن يضحك البكَّاي؟
اذا كان الجواب اقسى من احساسي واسئلته
وانا مانيب لا ناكر ولا جاحد ولا نسَّاي
لو اتظاهر بقوَّة قلبي المُنهك وسلطنْته
لو تْهون الليالي في عيونك مثل شرب الماي
علي! ماهانت اوَّل ذكريات الحبّ وآخرته