♛ إيمان ∣∣ Emo‏ 𓂆

🔴 رسالة من المواطن ايهاب فيصل قمر الدين : الي السيد رئيس مجلس السياده عبد الفتاح البرهان حفظك الله ورعاك ونصرك السلام عليكم ورحمة الله وبركاته أنا شاب سوداني عمري 30 سنه مهندس في مجال محطات تنقيه المياه تطورت في المجال الحمد لله ووصلت لدرجه قبول عرض نظام تحليه مياه في الهيئه القوميه للمواصفات والمقاييس قبل عام من اليوم وتم اختياري من دون كل الشركات الفّي السودان 🇸🇩 أنا بحيي الهيئه موظفين وعمال علي كل شئ جميل خدموني بيه وتقديم كل المساعدات يوم توقيع العقد كان هنالك من يتربصون بي من خارج المؤسسه ولهم اطماع في المشروع وفي ايهاب فيصل ويريدون الاطاحه بي وقتو وخططو يوم توقيع العقد وبطشو بي وسلبوني حقي بالإكراه ورغم عن انفي ووضعوني في مكان لن اخرج منه إلا وانصاع لأوامرهم وكسرو ظهري بأبنائي وتهديدي بعد أن اخذو كل مايريدون وإسقاطي من عقد هيئه المواصفات (تاني لو دايرين نجيبك في اي وقت بنجيبك ونطبق فيك نفس السيناريو ) الان أنا مهدد من قبلهم . شكيت امري لله وليك انت اعلي رتبه في الدوله ورئيسها لافي بين الناس بتشوف في مشاكلهم وبتنزل الشارع بتقدم تواضع يخجل وهم لمجرد مناصب ورتب بيبطشو بالناس هنا مفروض نتعلم بكتب في الكلام دا ودمعي علي عيني من الزعل بحب السودان وداير ليه التطور والنماء وساعي وطامح يصل للعالميه وتكون بلدنا هي سله غذاء العالم 🌍 ويشهد الله بكتب وانا كلي فخر انو لي بلد اسمه السودان 🇸🇩 عايش فيه عزيز مكرم . القضيه حاتكون مستمره وعكستها في الميديا لأنها بتهمنا كلنا السودانين 🇸🇩بتعالج قضيه في مجتمعنا . الموت والأقدار بيد الله عز وجل مامعروف متين #الحق يرجع ويحاسب الجميع . #أنا لو غلطان في حرف رقبتي موجوده وجاهز لأي محاسبه #لو مت او اختفيت خلو بالكم من السودان وامي وابوي واولادي #السودان بلد فيه قانون 🇸🇩 #القضيه دي مامتنازل منها وعلي رقبتي #سعاده الرئيس او مكتبه او اي جهه عدليه في السودان 🇸🇩 لاتؤمن بالوساطات والمعارف تتابع معاي الموضوع دا الي ان ينتهي . #كتبت الكلام دا وواقف علي القضيه دي أنا موجود في كل مكان في السودان 🇸🇩