فاطمة المحمادي

بشاركك رأيي من واقع تجربتي الشخصية مع المنصتين، وقد تختلف تجربتك عن تجربتي. ببدأ بـ Higgsfield، منصة قوية وكنا نشوفها واعدة جدًا، لكن للأسف تجربتي مع خدمة العملاء كانت سيئة جدًا. في ديسمبر الماضي اشتركت بعرض سنوي، وأول ستة أشهر كانت الأمور ممتازة، بعدها فجأة ما عدت أقدر أولّد أي صورة! دخلت حسابي واكتشفت أن الاشتراك اختفى تمامًا. راسلتهم وأرسلت الفواتير وإثباتات الدفع، لكن الصدمة كانت بردهم: حسابك أصلًا غير موجود في قاعدة بياناتنا، وما عندك أي اشتراك سابق! طيب والستة أشهر اللي كنت أستخدم فيها المنصة؟ والفواتير والمبلغ المسحوب لاشتراك عام كامل وبن راح !! نشبت لهم بالإيميلات، وكل مرة أرسل الإثباتات، لكن للأسف استمروا بإنكار الاشتراك وكأن شيئًا لم يكن. قلت الله يعوضني، ونكمل مع Magnific. لكن المفاجأة أنهم إلى اليوم يحاولون يسحبون من بطاقتي قيمة الأشهر الستة المتبقية، رغم أني ألغيت البطاقة! طيب وين راح كلامكم أن حسابي مو موجود أصلًا؟وليه بطاقتي عندكم للان؟!! أما Magnific، فالتجربة مختلفة تمامًا. من خلال احتكاكي معهم كشريك إبداعي، وحتى في تعاملي مع خدمة العملاء، لمست احترامًا كبيرًا للمستخدم. أي خطأ، حتى لو بسيط، يتعاملون معه باحترافية ويحرصون على تعويضك عنه. وحتى في موضوع الأسعار، أتذكر أنهم أرسلوا قبل زيادة الأسعار بثلاثة أشهر، ووضحوا أسباب الزيادة وموعد تطبيقها. بالنسبة لي، هذا مستوى من الشفافية والاحترام يكفي لبناء الثقة. وناهيك عن توجهاتهم الإبداعية، Magnific ما أشوفها مجرد منصة تجمع نماذج توليد، بل شركة عندها رؤية واضحة لتطوير أدوات تخدم المصمم وصانع المحتوى، من تحسين جودة الصور والتحكم بالتفاصيل والإضاءة، إلى التوسع في الفيديو والموشن والتجارب ثلاثية الأبعاد. وهذا التوجه يعجبني؛ لأنهم يركزون على احتياجات السوق الإبداعي وسير عمل المحترفين، مو مجرد إضافة نماذج جديدة. أما من ناحية السعر، فما أشوف المقارنة عادلة بدون النظر لطبيعة استخدامك والأدوات اللي تحتاجها فعلًا. لكن لو حطيت المنصتين قدامي وطلبت مني أختار وحدة، أختار Magnific بلا تردد، مو بس لجودة أدواتها وتوجهاتها، لكن لأن ثقتي بالشركة وطريقة تعاملها مع عملائها جزء أساسي من قراري. وهذا رأيي وتجربتي الشخصية.