Amatullah Saulawa

Flamingos ta kafa tarihi, ta zama zakarar gasar cin kofin duniya ta mata ta 'yan kasa da shekaru 17 Shugaba Bola Ahmed Tinubu ya taya tawagar ƙwallon ƙafa ta mata ta Najeriya, Flamingos, murnar lashe gasar cin kofin duniya ta FIFA ta 'yan kasa da shekaru 17, bayan ta doke Japan da ci 2-1 a wasan ƙarshe da aka buga a Rabat, ƙasar Morocco. Wannan nasara ta kafa tarihi, inda Najeriya ta zama ƙasa ta farko a Afirka da ta lashe wannan gasa. Awawu Bashiru ce ta fara zura ƙwallo a ragar Japan a minti na 39, yayin da Oluebube Umejiaku ta ƙara ta biyu a minti na 47, wanda ya tabbatar da nasarar Najeriya duk da ƙwallon da Japan ta rama daga baya. Shugaba Tinubu ya bayyana nasarar a matsayin abin alfahari ga Najeriya da kuma wani babban ci gaba ga ƙwallon ƙafa ta mata a Afirka. Ya yaba wa 'yan wasan bisa jajircewa, ladabi, haɗin kai da ƙudurin da suka nuna har suka kai ga lashe kofin. Shugaban Ƙasar ya kuma taya masu horas da 'yan wasan, Hukumar Ƙwallon Ƙafa ta Najeriya (NFF) da Hukumar Wasanni ta Ƙasa murnar wannan gagarumar nasara. Ya sake jaddada aniyar gwamnatinsa na ƙara zuba jari a wasannin matasa tun daga tushe, tare da samar da damammaki ga 'yan Najeriya, musamman 'yan mata, domin gano baiwarsu da bunƙasa ƙwarewarsu. Wannan nasara ta Flamingos abin alfahari ne ga Najeriya da kuma dukkan nahiyar Afirka! #ArewaforAsiwaju #A4A

Gwamna Fubara ya yi alkawarin samar wa Tinubu kuri'u miliyan uku a Rivers Shugaba Bola Ahmed Tinubu ya gode wa al'ummar Jihar Rivers bisa irin goyon bayan da suka ba shi a zaɓen 2023, tare da neman ƙarin goyon bayansu a zaɓen 2027. Da yake jawabi a babban taron kamfen na APC da aka gudanar a filin wasa na Adokiye Amiesimaka da ke Fatakwal, Shugaban Ƙasar ya yaba da yawan jama'ar da suka halarta, tare da jinjina wa sulhun da aka samu tsakanin Gwamna Siminalayi Fubara da Ministan Babban Birnin Tarayya, Nyesom Wike. Shugaba Tinubu ya kuma yaba wa Gwamna Fubara bisa nuna dattako da fahimta wajen amincewa da shawarwarin dattawan siyasa da suka taimaka wajen warware rikicin da ya tsakaninsa da magabacinsa. A nasa jawabin, Gwamna Fubara ya yi alkawarin cewa Jihar Rivers za ta samar wa Shugaba Tinubu kuri'u miliyan uku a zaɓen 2027, tare da tabbatar da cikakken goyon bayansa ga tafiyar Rainbow Coalition karkashin jagorancin Nyesom Wike. Taron ya kuma haɗa magoya bayan APC da PDP, lamarin da ke nuna haɗin gwiwar 'yan siyasa daga jam'iyyu daban-daban a jihar domin goyon bayan takarar Shugaba Tinubu. #ArewaforAsiwaju #A4A

AL'UMMAR YOBE SUN NUNA GAGARUMIN GOYON BAYA GA TINUBU A BABBAR GANGAMIN SIYASA A DAMATURU Al'ummar Jihar Yobe sun fito kwansu da kwarkwatarsu domin halartar babbar gangamin siyasa ta Tinubu Must Go Again 2027 mai taken Jaddada Biyayya, wanda aka gudanar a Damaturu. Dubban magoya baya daga kananan hukumomi 17 na jihar ne suka halarci gangamin, tare da manyan masu ruwa da tsaki a siyasa, jami'an gwamnati da shugabannin jam'iyyar APC, domin nuna hadin kai da goyon baya ga Shugaban Ƙasa Bola Ahmed Tinubu da jam'iyyar APC gabanin babban zaɓen 2027. #ArewaForAsiwaju #A4A

Akwa Ibom, Sosongo! Jihar Rivers, kun yi kokari kwarai da gaske! Kwanaki biyu ne masu cike da kuzari da aiki! Wane irin tarba ke nan! Wane irin nuna kauna mai ban mamaki! Daga Uyo zuwa Port Harcourt, Mataimakin Shugaban Kasa Kashim Shettima, Uwargidan Shugaban Kasa Oluremi Tinubu, da ni kaina, mun ji dadin karamci, kuzari, da kuma karsashin da mutanenmu suka nuna mana. Abu daya tabbatacce ne: Yankin Kudu-maso-Kudu (South-South) ba ya barin baya! A jihar Akwa Ibom, na ji dadin ganin manyan ayyukan ci gaba da Gwamna Umo Eno ya aiwatar, wadanda suka hada da zuba jari a fannonin hanyoyi, sufurin jiragen sama, da yawon bude ido. Haka kuma, tashar jiragen ruwa mai zurfi ta Ibom (Ibom Deep Sea Port) tana da damar samar da gagarumin ci gaba a fannonin kasuwanci, zuba jari, da samar da ayyukan yi a yankin baki daya. A jihar Rivers, yanayin da aka samu a filin wasa na Adokiye Amiesimaka ya cika da matukar karsashi da kuzari. Na yi magana game da ci gaban da muka samu, kalubalen da suka rage, da kuma damar da muke kokarin samarwa domin matasanmu. Kamar yadda na fada wa mutanenmu a Port Harcourt, zaben shekarar 2027 ya shafi makomar matasanmu da kuma irin kasar da muke gina musu. Ina mika godiya ga Mataimakin Shugaban Kasa Kashim Shettima, Gwamnoni Umo Eno da Siminalayi Fubara, shugabannin jam'iyyarmu, sarakunan gargajiya, da kuma al'ummar jihohin biyu masu ban sha'awa, saboda goyon bayansu da kuma karamcin da suka nuna mana. Akwa Ibom, Sosongo! Jihar Rivers, kun yi rawar gani kwarai! Yankin Kudu-maso-Kudu na Jinjina muku! #ArewaForAsiwaju #A4A

Shugaban Ƙasa Bola Ahmed Tinubu da uwargidansa, Sanata Oluremi Tinubu, sun dawo Abuja bayan kammala nasarar gangamin yakin neman zaɓe a jihohin Akwa Ibom da Rivers. #ArewaForAsiwaju #A4A

“Idan kana gina gida mai hawa 50, dole ne ka fara da tushen ƙasa mai ƙarfi dan ya ƙarfafa sosai. Yayin da kake aiki a wannan tushen ƙasa, mutane marasa fahimta na iya tambaya cewa, ‘Me yasa kake zubar da kuɗi a ƙasa?’ Amma kowanne injiniyan gine-gine da ya san aikinsa ya san cewa wannan shi ne mahimmin abu da zai ba da damar gina gini mai girma da zai iya ɗaukar dukan iyalin Najeriya. An kammala tushen. Yanzu lokaci ya yi na raba albarkar ci gaba.” — Sanata Adams Oshiomhole #ArewaforAsiwaju #A4A

An riga an shirya fage don jiran isowar, Shugaba Tinubu GCFR. #ArewaForAsiwaju #A4A

APC ta bukaci ADC ta warware rikicin shugabancinta ta hanyar bin doka Jam'iyyar APC ta bukaci jam'iyyar ADC ta mayar da hankali wajen warware rikicin shugabancinta na cikin gida, maimakon zargin wasu jam'iyyu da hannu a hukuncin kotu kan rikicin. A cikin wata sanarwa da Sakataren Yaɗa Labaran APC na Ƙasa, Felix Morka, ya fitar a ranar 6 ga Nuwamba, 2026, jam'iyyar ta bayyana cewa ba ta da hannu a shari'ar da ta shafi rikicin shugabancin ADC. APC ta jaddada cewa rikicin ya samo asali ne daga takaddama tsakanin shugabannin ADC da ke fafatawa kan shugabancin jam'iyyar. Ta kuma bayyana cewa duk wanda bai gamsu da hukuncin kotu ba yana da damar daukaka ƙara bisa tsarin doka. Jam'iyyar ta kuma yi kira da a mutunta kotuna da kuma 'yancin bangaren shari'a, ba tare da la'akari da ko hukuncinsu ya yi wa wata jam'iyya dadi ko akasin haka ba. APC ta ce gwamnatin Shugaba Bola Ahmed Tinubu na ci gaba da jajircewa wajen kare dimokuraɗiyya, bin doka da oda da samar da shugabanci nagari ga 'yan Najeriya. #ArewaForAsiwaju #A4A

"Wannan dawowa gida ce a gare ni. Na taɓa zama a nan Akwa Ibom a matsayin mai binciken kuɗi (Auditor) na kamfanin Mobil. Mun taka rawa wajen gina Ibeno, bunƙasa Eket, kuma muka gudanar da ayyukan da suka rataya a wuyanmu. A lokacin, ban taɓa tunanin cewa wata rana zan zama Shugaban Ƙasar Najeriya, har in dawo domin ƙaddamar da filin jirgin sama da aka sanya wa sunan tsohon abokin aikina, wanda a lokacin shi ne Gwamnan jihar, Victor Attah ba." — Shugaba Bola Ahmed Tinubu, yayin ziyararsa a jihar Akwa Ibom. #ArewaForAsiwaju #A4A

Shugaba Tinubu!!! 🔥🇳🇬 An sake gina wani katafaren sabon barikin sojoji a Ikere-Ekiti, wanda ya ƙunshi gidaje sama da 1,000, asibiti, makarantu, wutar lantarki ta hasken rana da sauran kayayyakin more rayuwa na zamani domin sojojin Najeriya da iyalansu. Wannan ya wuce batun gina barikin soja kawai; wani mataki ne na inganta rayuwar sojojinmu da iyalansu, tare da samar musu da ingantaccen muhalli. 👏❤️ #ArewaforAsuwaju #A4A

“Wannan lokaci ne na siyasa, kuma mun tattauna batutuwan da suka shafi al’ummominmu da kuma yadda za mu taimaka wajen ƙara wayar da kan jama’a da samun goyon baya ga Shugaba Bola Ahmed Tinubu.” – Gwamna Caleb Mutfwang na Jihar Filato da tsohon Kakakin Majalisar Wakilai, Yakubu Dogara, sun bayyana haka yayin da suke zantawa da manema labarai bayan ganawar Shugaba Tinubu da shugabannin Arewa ta Tsakiya jiya. Ganawar ta samu halartar wasu shugabannin sauran yankuna. #ArewaforAsiwaju #A4A