الغناه

قليل اللي يميّز وأكثر العالم مع التيّـار سلامي لعقلٍ يعرف الفـارق من العـادي

عارفً علة ضميري واعرف اللي صابه لا توديني طبيب .. ولاتجيب مطوّع .. القمر و الليل و طيوف الغضي وغيابه اتعبت قلبً على درب الغرام ملوّع .. الله يسمح خطاه و يرحم اللي جابه لو خلاني عطيب و ضاميً ومجوّع .. لا تلوم اللي من الفرقا يشق ثيابه والله ان الحزن قاسي والحنين يروّع…

اوجعتني والله اني منك مستوجع يا ليييت حجم العذر قدّ الخطا البيّن .. كنت احسب ان الخطا هيّن ولا يوجع إيلين جاني الخطا اللي ماهو بـ هيّن

عز الله ان لك اجر في جمالك كل من شاف وجهك يذكر الله…

فيك من لطف الفقير و فيك من طبع الاماره يالهنوف اللي يعزز زينها .. قوة نسبها الجمال اللي جمع بين البداوه والحضاره صبّه الله والله اللي في مفاتنها وهبها العيون تشن غاره ، والرموش تشن غاره وإن تفاديت العيون الموت من طعنة هدبها

جفت نايحات الورق روحي ولا له شف يهيجن بها عقب البطا صوتي العالي وأنا للسكينه كل ما ارخيت جفني .. رف على الريح أبيع أحلامي البيض وآمالي ماعاد المساء له طلةٍ من بعدك تزف ولا أشرق صباحٍ عقبك إلا يورالي اداري بفقدك خاطرٍ ما لشوقه ضف عن الشمس كني واقف اداري ظلالي ..

خاطري يحتس من حزة اقبال الظلام مثل ما يحتس من تهمة الظلم ابريا .. وابتسم واكذب ليا قلتلك وضعي تمام من دوافع صبر ما هي دوافع كبريا .. ساجن من عزة النفس في صدري كلام ما يفكه جاه اكـابـر ولا مال اثريا :)

ّوش يصبرني على ليل الشتا المتمادي يوم هوّد وانت في دوله وانا في دوله… ١١:١١

في سنا وجهك ظلام الليل غدراته ذليله بدرن ايمد النجوم بضيها مكثر جماله الخدود البيض وعيونن محاجرها كحيله سلهمتها توصل قلوب النشامى للثماله والقوام المنهصر والعنق يشكي من جديله والذرابه والفخامه والركاده والاصاله….

ليت لي لامرّت الذكرى جناح كان لامن غاب لي غالي أجيه منت أكثر شخص أوجعني وراح أنت أكثر شخص يوجعني وأبيه .. -علي ال صبيح

احيان تطري لي وفي بعض الاحيان احس حاجه موجعه في فوادي ابغاك ولو تسمح بقدر الامكان تكذب وتقول عادك بلادي مهوب شرط الغربه تكون الاوطان ترى الوطن يمكن تكون كتوف وايادي مدري وش الي احس به بس تعبان ومدري وش الي ابغاه لاكن عادي عادي يموت انسان في داخل انسان يمكن سبب هاذا العشم والتمادي وعادي تشح بغيثها سود الامزان ايلين مايبقا من الاغصان شادي وعادي تجامل في شعورك على شان لاتخسر وجيه وقلوب ومبادي وعادي تعيش العمر حسره وحرمان وعادي تجي الدمعه كذا لا ارادي وعادي ولو صدرك من الضيم مليان لاكن ملامح وجهك تكون هادي اموت من قبل اخذك وسط الاحضان هاذا الذي والله ماهوب عادي… -علي ال مصلوم

يوم جاء وجهك صباحٍ فيه ما للضيق داعي جادت الدنيا سلام وسافرت بالعين قرّه للسماء قبلة عيونك لأول دروبك مساعي لآخرك نجمٍ قديم وفي وهج وجهك مجرّه "كيف أشوفك في فتور من الهوى وأنت إندفاعي شايفٍ فيك أجمل أيامي صباحات ومسرّه…

يجوز لك مالا يجوز لغيرك يالغالي الي تدري انك غالي…