هند سعود

كتابي الأول اشبه بالمولود الأول

كلام الأمهات لي بالدورات يزيدني فخر فيهم قبل نفسي 🤍🌷

تقول لي بنتي بالجامعة بس تصرف فلوس بشكل مبالغ فيه واذا قلت لها كثير او حددت لها ميزانية تضغطني وتتعبني مع انها شاطرة ومتفوقة وحصلت على جوائز بس تعبتني بالفلوس سألت الأم هل انت تمدحينها وتفتخرين فيها ( هل تشعر بنتك بشعور الفخر منك ) كانت جدا صادقة وقالت لي لا اهنيها على صدقها والحل هو : امدحيها كل يوم واشبعي حاجتها للفخر منك وشوفي كيف بتخف طلباتها المادية 🌷

مهارة النقد البناء تعزيز الثقة بالنفس مهارات يحتاجونها الناس كثيييراً .. لأن عدم وجودها يسبب حروب بين الأصدقاء والأقارب لأتفه الأسباب !😉

الضعفاء لما تنتقدهم ينهارون و يحاولون بكل قوتهم ينتقمون منك خاصة لما يكون النقد لجانب الضعف عندهم ونقطة الألم وأكثر شيء يتفشلون منه جرب تنتقد الواثق من نفسه ؟ لن يهتز وسيرد عليك مباشرة بدون تردد

تبغى تصير ترند اليوم قول شاورما

هل يوجد شيء اسمه معسكر اللغة العربية ؟ هل فيه جهة تتبنى تدريب الأطفال على الإلقاء والخطابة باللغة العربية بشكل مكثف ؟

سيظل عقلك يذكرك بالنواقص بحياتك ! عشان كذا تمرين استشعار النعم واجب لتربية عقلك

تعيش حياتك بمجتمعك ومحيطك لا تسمع ألفاظ سيئة ولا سب ولا ق*ف تدخل تويتر وتقرأ كلام ما عمره مر عليك !

وانا جالسة اقنع عيالي نهاية نوفمبر نروح فلوريدا !!

وانا صغيرة كان ابوي يحب الإقناع ! اقنعيني وبوافق 👌 فكنا نتحايل في أساليب الإقناع اللي يكتب رساله واللي يسوي له طلب مستحيل ووو حتى نحصل على طلباتنا منه بس كان يلفتني أنه دايم يقول : تعجبني هند في لباقة الكلام لما تكتب رسايلها وفعلا كنت احرص على اللباقة والاطراء قبل كتابة الطلب اللي نهايته مربعين مكتوب فيها أوافق لا اوافق والتوقيع : ابنتك الموقرة هند 😉

أنا حياتي فجأة تغيرت ! وتحولت لكل شيء أحلم فيه واتمناه وصار أي شيء ابغاه يتحقق بغمضة عين اللي يعرفوني قبل يعرفون كمية التعطيل اللي كنت فيها وكمية المشاكل والتحديات اللي كنت اعيشها كل يوم لكن بعد ٢٠٢١ تحول كل شيء وصارت حياتي مختلفة تماما بشكل واضح وعلني العجيب ان اللي كانوا يمثلون الحب ، الاهتمام ، الاعجاب تحولوا إلى اعداء صريحين و بدون مجاملات 😉 فإذا كنت تسعى لتطوير حياتك تأكد أن في ناس قريبة جدا منك ترفض وتراقب وتحسد فاحذرهم ألف مرة من البعيد

النرجسي عنده فضيلة يحاربك عليها وكأنه ولي الله على خلقه ! لو تفتح معاه اي موضوع لمصلحتك أو تطورك يرجع يذكرك بالفضيلة اللي أنت يمكن مقصر فيها ويمكن لا بس هو قرر أن أنت سيء فيها ويستعملها سلاح ضدك وهو يسوي الكبائر والموبقات !!

شفت مقطع لوحدة تسأل محامي هل لو رفعت قضية بيعوضوني بمليون ! الحقيقة أن أغلب اللي يرفعون قضايا على الناس يدورون فلوس وكل أملهم أن يجيهم تعويض فلوس ما يدرون أن صداع القضايا وتعبها بينسيهم لذة هالفلوس اللي بيتعالجون فيها من اضرار ما ارتكبوا تجاه الاخرين اسأل نفسك قبل لا ترفع قضية : ايش راح استفيد ؟

الأم اللي تقدر تتطور وتتحسن و تربي نفسها تقدر تربي عيالها من يرفض تعديل نفسه وملاحظة أخطاءه لن يكون مربي ناجح ابدا !

بعض الدول تدرج مادة في مرحلة المتوسط والثانوي للجنسين مختصة بالأمومة والوالدية بشكل تفصيلي تشرح للطلاب والطالبات مراحل نمو الطفل واحتياجاته وطريقة التعامل مع كل المشكلات اللي تمر عليه لدرجة أنهم يطلبون من الطلاب والطالبات احضار دمية للفصل والتعامل معها باحترافية شديدة كأنها طفل رضيع ويليسونه ويغيرون له ويرضعونه كجزء من تقييم المادة وبعدها ينتقلون للمرحلة الأعلى في تهيئة الطفل للمدرسة والتحديات اللي تواجه الأهالي بس والله جالسة اتخيل بناتنا واولادنا يدرسون هالمادة ويتعلمون الاهتمام والتربية والتعاطف والحب بشكل عملي بالمدارس 🥲

رتبت غرفة ولدي وطلعت الكثير من الملابس والاحذية ( تكرمون ) صدقة وكلمت ( جمعية عون ) يجون يآخذونها كله أمس الليل ( اخذت حسابهم من قوقل ) اليوم الصباح وصلوا بسيارة واخذوا الأغراض وارسلوا لي رابط شكر وطلبوا مني اعلم غيري وقلت فرصة انزلها لكم عشان نتشارك بالأجر وننفع غيرنا ونرتب دواليبنا 😉