نوف العثمَان.

- تاقف دميّ المعادين قدام الحدود - يا عطايا الله مفاليك بالارض الفياح ما رعى في (جوّها ) الا ترزّام الرعود والسحاب ودورة الكون من ليل وصباح والغشين اللي يساقي معاطيش الكبود تحت حكم ملوكنا بالغدو وبالرواح تارد كبود الضوامي قراهيد العدود المعادي ما لعينه سوى شوف الضحاح من تنشمى قدم غاراتنا عوّد شرود يومها بالشلف والسيف وبعلط الرماح ويومها بالمدفعيه وغارات الجنود من نوانا يجرع الغبن والسم الذحاح مرً بكبد المعادين وبكبد الحسود تامن الانفس وترفل بـ حيّا للفلاح وانشد البيتين واللي لفاها من وفود فعل ٍيفوق الممارى وشعر الامتداح وهيبةٍ مختصّها الله بعيال السعود وبيرق يطرخ ولا تطرحه هوج الرياح نخله وسيفين من دونها تبيح السدود من سعى بالحرب عوّد يبي منّا السماح ومن يبي درب العضا ماله مْن الدرب فود في ذرى سلمان ومحمد طيور الفلاح تاقف دميّ المعادين قدّام الحدود #السعودية_العظمى #السعوديه_خط_أحمر