Pinned Tweet
« اللهُم اغفِر لهم، وهب لهم مِن اجرك ما لا يُحصى
ومن غفرانك عفوًا لا يفنى، اللهم انزل عليهم نورا من نورك ينير عليهم ظلمه القبور »
جعل تفدى ليلتك عقب السهر طّلة نهارك
في صباحٍ يرتمي
—— نوره على وجه النثيلة♥️
البقاء للمبسم الوضّاح .. والفال المبارك
والهوى الي كبّل العمر القصير وهد حيله
صاحبي وين أنت من عقب البطا، للغيث دارك
عوّدت منك الشفوف خليّ .. وأخطاك الدليلة
وش بعد وقفة سنين العمر في درب انتظارك
والضمير الي رعى فايت غلاك .. وجاء يشيله
جعل تفدى ليلتك عقب السهر؛ طّلة نهارك
في صباحٍ يرتمي نوره على وجه النثيلة
لين تلبس ثوبها الأرض الفسيحة من منارك
أنت يا مطلع صباح النور، والنور وسليله
ما بعد شاف الحياة المترفة -على غرارك-
ظاميٍ ما بلّ عرقٍ من ثغرك وسلسبيله
جل شان الله وعز .. أضفى على حسنك وقارك
وقدّر بغيّب سنا ضحكتك -ما في اليد حيلة-
مجريات الحب مرّت بين عجزك وإقتدارك
وأنت ما لقّيت بال لعنوة النفس الثقيلة
مثل ما سال المساء من مرودك .. على عفارك
جيتك أدرج كنّي الفيض الرهاوي في مسيله
هذا أنا يممت لك ممشى الركاب .. وجيت تارك:
خلف ظهري هقوة الصاحب، ومشروه القبيلة
ما حزمت من الزهاب الا جروحي في مسارك
وما حملت إلا الشعور العف بضلوعٍ نحيلة
مد لي يمناك .. وأفتح لي من اللهفة زرارك
والله أني راهنٍ عمري على شوفتك ليلة
1
10
937





















