توّاق

لك الله يا شعوراً تجرحه نسمة هبوب النود لو انه في رياضً تجذب الطرقّي رياحينه  شقاه البعد و اعياه الحنين لـ غايبٍ موجود قطف له كل لحظة حالية من رحلة سنينه  مراتع سلوة الخفّاق ... فـ اللي ماعليها زود غلاها ... قد تبين بين ... خلق الله براهينه  لو ان البعد نازح ما نسيتك يـ اوسط العنقود ملكتي قلبي .. اللّي والله انك تستحقينه  تفز الخطوة اللي صوب دارك تنشد المقصود لا شمّخ كل شوق ... وردد القمري تلاحينه  على درب اللقى ما هبّت من فعل الليال السود ما دام ان اخر المشوار في وجهك طمأنينه  سهجت الليل في رجوى سناك وصبحك الموعود تحت .. عزمً .. يبدد كل عثرة بينك وبينه  احنّك لين .. وقتُ .. راح ابك عنّي علي يعود واحنك بعد ما عسف الزمن واكتف ايدينه  ياحي المنظر اللي لـ انتصار الخاطر المضهود قسم بالله يا وجهك يزين الدار من زينه!!  رهيفة .. مبسمُ .. منه ايتلّين قاسي الجلمود ماجابك غير دعوة عاشق لك صحت أمينه  اذوق السالفة منّك .. واذوق الصافي القرهود واقول .. الصافي القرهود .. ياليتك تحلينه  اشوفك .. صورةً .. بروزتها من شعرك المفرود بطلها .. قداً ..ايلطف سموم القيض من لينه  يا برّاق الجبين .. اللّي يخايل .. برقك المنشود ماينشد عن .. ملذات الحضارة .. لو تمرينه  تحت .. رمشك .. تفيّأ كل مغرورة .. وترفة خود طبيعي كل شي تحت .. رمشك ماتشوفينه  وانا ذاك .. الحبيب .. اللّي لاشافك يارقيق العود اذا خبّى كلامه وسط صدره .. تفضحه عينه  .