pancake🥞

المضحك بالموضوع ان مشكلة البعض مع اسامه مو لانه غلط على مايا او قلل من احترامها بالعكس مشكلتهم انه يحترمها ويتفاهم معها ويقدر يجلس يسولف معها ساعتين بدون ما يطفش😭😭 يعني وصل فيكم الحال انكم تستغربون كيف اثنين بينهم علاقة عاطفية "ببرنامج مواعدة" يقدرون يسولفون مع بعض ساعتين؟ طيب وش المفروض يسوون؟ يتهاوشون كل نص ساعة عشان تقتنعون ان علاقتهم حقيقية؟ مو ذنب اسامه انكم مو قادرين تفتحون مواضيع مع كوبلاتكم ولا ذنبه ان مفهومكم للعلاقة قائم على المشاكل والصراخ والشد والجذب لدرجة انكم صرتوا تشوفون التفاهم والاحترام شي غريب ومستحيل يصير والاغرب انكم قاعدين تعايرونه برجولته لانه ما يتهاوش مع مايا! من متى صارت الرجولة بالصوت العالي وقلة الاحترام؟ يعني لازم يصرخ عليها ويحرجها قدام الناس عشان يصير رجال بنظركم؟ بالعكس الرجل الواثق من نفسه مو محتاج يستعرض قوته على البنت اللي يحبها ولا يحول علاقته معها لساحة حرب عشان يثبت رجولته للناس والمشكلة مهما سوى اسامه ما راح يعجبكم اذا سكت قلتوا ضعيف شخصية واذا دافع عن مايا قلتوا يمثل الرجولة واذا تفاهم معها قلتوا علاقتهم فيك واذا جلس يسولف معها ساعتين استغربتوا وش عندهم يقولونه🤣 يعني انتوا مو قاعدين تنتقدون تصرف معين انتوا قاعدين تدورون اي سبب عشان تشككون فيه وفي علاقته وفوق هذا كله يطلع لنا سيناريو كامل من تخطيط داني وصطيف وتنفيذ كوكسال عن ان علاقة اسامه ومايا تمثيل وتخطيط وكأن مجرد ان اثنين مرتاحين مع بعض وما يعرضون مشاكلهم قدام الناس صار دليل كافي على انهم يمثلون ترى العلاقات الحقيقية المفروض تكون بدون صراخ وغيرة ومشاكل ومو كل اثنين يحبون بعض لازم يثبتون حبهم بهواش قدام الجمهور فيه ناس تستمتع بوجود بعضها وتعرف تتناقش وتضحك وتسولف بدون ما تحول كل اختلاف لمشكلة واللي يضحك اكثر انكم تسألون اسامه كيف تسولف مع مايا ساعتين بدل ما تسألون نفسكم ليه هالشي مستغربينه لهالدرجة؟ بالنهاية علاقتهم مو مطالبة تتشابه مع علاقاتكم ولا اسامه مطالب يغير طريقته مع مايا عشان يناسب مفهومكم عن الرجولة والحب واذا الشي الوحيد اللي قدرتوا تمسكونه عليه انه "يحترم شريكته ويحب يسولف معها وما يتهاوش معها قدام الناس" فصدقوني هذي مو نقطة ضده مثل ما تتخيلون هذي نقطة تحسب له مو لازم كل علاقة ما تشبه علاقاتكم تكون فيك يمكن المشكلة ببساطة انكم مو متعودين تشوفون علاقة حقيقيه وصحية 🤍