برقاوي

تمردي…بالتغنج ..وألعبي …بالطروق اللي بها الغطرسه والعنفوان .اخلطا     انتي من .اللي عليه قلوب.الامه تتوق منتي …من اللي ليا روّح ..مراح القطا الصبح ..يتنفسك والليل عقبك ..يروق وتخضع لك احلامك الصعبه بدون وسطا تخوى.عليك الهبايب والمطر .والبروق  حتى.. السحايب عشانك ودها.بالوطا

مرحبا بالشيخه اللي ما بعدها شيخه بالعقل والزين والذوق الفريد الراقي نوّخت في القلب والتنويخه التنويخه واستحلت جل تفكيري وكل أشواقي كل حبٍ ..ما هو لها .منتهي ..تاريخه غيرها ..حبه يزول .وحبها ..اللي باقي عاذلي ..عنها ،يحرضني ..على توبيخه كيف يعذلني بحبٍ راسخٍ في ،أعماقي

یافتنة الجيل مدري ياانبعاث الشعور طلتك .تبدى مشاوير .السعد معها جمالك. الباذخ اللي فيه كبر وغرور يخطف قلوب الاوادم من مواقعها عيونك الواسعة رحلة ضياع ودبور تقول ..نجد .العذيه من ..وسايعها اللي يقولون فوق الارض مافيه حور اقول .ماشفتو الفتنه ب اصابعها

ياحلو وجهك وياحلو الكلام اللطيف خذيتي .الزين كله لين صرتي قمر مافيه مثلك بهالعالم شبيه وصيف يا عمر منهو على الدنيا .يدوّر عمر اعامل الناس بالقسوه مثل حد سيف وعيونك .السود تنهيني .وتامر امر غزيلٍ .قلبها من كثر ما هو .رهيف خدودها بالكلام الزين تقلب حمر

علي الحرام إني لا شفتك يزين المود وأردد .تراحيب ..المعزّب .بضيفانه فديت الحجاج ومبسمك والعيون السود وحمر الخدود وخوخ صدرك ورمانه تباهي ولا تخشين نظرة هل المنقود تمادي ..لأنك صح .والناس .غلطانه تميّز جمالك عن جميع البنات بزود وأنا .ما كتبت. أبياتي .إلا على شانه

أنتي المعنى .الحقيقي للفخامه أكتبيها ..في سنابك ..وأنشريها نظرة من طرف عينك وابتسامه تسعد اللي طول يومه .يحتريها من كثر زينك سكن بالخد شامه لو سمحتي .ودي احبك. عليها واعذري المفتون ياظبي العدامه من عقب نظرة عيونك راح فيها

يوم طلّت عرفت الحسن يبدا منين ابتدا .من ..سلالتها ..وفيها .. كمل جت من بعيد تختال الهوين الهوين معذوره ..تشيل حمول ..لا تُحتمل قلت ما لـ الحسن شامه وغمازتين في مثل هالجمال تضيع كل الجُمل كل زينٍ قبل هـ الوجه ماهوب زين ياأكبر بواجد من السحر ومن العمل

مرحبا .ياستيرة لابسات .الغطاوي يا حفيدة هل الطاله رموز الصداره متعبين المهار ومبعدين الهقاوي يوم لـ الغزو سبر ولـ المراكيض غاره انتي اول. تباشير الفرج .والرجاوي وانتي الدهشه اللي جات بعد البشاره باقيٍ لـ المواجه فـ المحيا الحياوي فرصةٍ ليلها يفضح بياضه سماره

ويلي على الفاتن اللي عودها خيزران و الذكريات القديمه بيني .و بينها كنا سوا .مع بعضنا بس دار الزمان ياشين .لحظة موادعها .و يازينها مزيونةً .ضاريه بالكبر .و العنفوان أضيع في مبسم الشفه و في عينها اليا اتفقنا .وحددنا وجينا المكان حتى الشياطين منّا تغسل ايدينها

ما أظن ربي خلق لك في جمالك خشير ولا أظن جيتي لـ هالدنيا بـ ظهر و بطن يمكن نزلتي .مع القمرا بـ روض وغدير واللي ..تمرينه .بـ فلم .الخيال .انشطن سواد عينك مساء هادي و خدك حرير أرق من ..كلمة أحبك .و وسطه .قطن ومن النهد لـ النهد شبر الغرير الصغير فوقه وهج جمرتين و من تحتها وطن

انيقة ..الذايقه .واللبس ..والكلمه جميلة الشكل ذات المنسب الراقي يا مبتغى .كل حرف ومنتهى حلمه يالورده اللي عليها يحرص .الساقي مالوم من ضاع بك مهما بلغ علمه ومالوم من قال حسنك لخبط اوراقي

اللي حلاها مختلف عن كل جيل ماهوب .زيف ولا نفاق ..ولا دجل الفارع ..اللي كن .ممشاها .ثقيل بين التغطرس والتباهي والخجل أدل .ما بين ..المعنّق ..والجديل وأضيع في سلهامة السود النجل تشرب فناجيل .الجوازي كل ليل بـ الذات لا حطّت رجل على رجل

غنوجٍ ..تبختر ..عودها ..ناعم ..وميال تقض الجديل وخصلة الشوق منسوعه على كل ممشوقة خصر شربت الفنجال لها عنفوان .وسطوة الحسن مشروعه تلاشى .بلمعة جيدها لمعة .السلسال منين .طلعت والزين ذا .منقطع نوعه

مفاتنك خلّت محاكيك .. مسلوب عذراً أنا ..مسلوب عايش .بـ راحه محبوبتي .يسعدني أكون محبوب وتؤسفني ..الدنيا بدونك .صراحه دامك شريتي قلبي بـ عشرة قلوب من حقك تسوين ..حفل افتتاحه

ظبي الفلا يا النادره ياللي مقامك معتبر نار الزعل عندك معسكر فالسماء دخانها وش زعلّك يابسمة الورده و یاوجه البدر يا الدره ..اللي ماتقدّر.. بالكنوز ..اثمانها ليا زعلتي.. تزعل الدنيا .على كل ..البشر وليا ضحكتي تضحك الدنيا على سكانها