مصري بحب بلدي جدا والرئيس السيسي زملكاوي وافتخر 🇪🇬🇪🇬🇦🇹🇦🇹🇦🇹
Joined November 2011
- Tweets36.8K
- Following2.3K
- Followers24.8K
- Likes149K
🔴إنشاء شركة الكورة في الزمالك ضرورة ومطلب رئيسي للجمهور، لكن الأهم إنها تتأسس على قواعد ثابتة وواضحة، وتبقى في إيد ناس أمينة على النادي وحقوقه ومستقبله.
وأنا بصراحة مش مستأمن المجلس الحالي على الخطوة دي، ولا حتى اللي ضدهم لمجرد إنهم معارضين! مستقبل الزمالك أكبر من صراع الكراسي، ومش معنى إني رافض الموجود إني أدي ثقتي على بياض لأي بديل.
🔴عشان كده بطالب وزارة الشباب والرياضة إنها تتولى الإشراف على الملف، وتضمن إعداد لائحة واضحة بمعرفة متخصصين، والدعوة لجمعية عمومية طارئة تتعرض فيها كل التفاصيل بشفافية، وفقًا للقانون، قبل اتخاذ أي قرار.
🚨لازم نعرف: مين هيدير؟ مين هيراقب؟ وإيه الضمانات اللي تحمي اسم الزمالك وأصوله وحقوقه؟
🔴إحنا مع إنشاء شركة الكورة، لكن مش هنوافق على خطوة بالحجم ده من غير ضمانات واضحة ⚪🏹
🔴اللي بيتقال عن صفقة محمد إبراهيم يخلي أي زملكاوي يسأل: لو دي صفقة واحدة، أمال باقي الملفات فيها إيه؟! وإزاي النادي بيعاني من أزمات مادية طول الوقت، ومحدش بيطلع يكشف للجمهور فلوسه راحت فين؟!
🚨إحنا محتاجين فتح الملفات ومراجعة العقود والحسابات، وإعلان الحقايق بالمستندات. وأي حد يثبت إنه سرق أو أهدر جنيه من فلوس الزمالك يتحاسب، مهما كان اسمه أو منصبه.
الزمالك مش عزبة، وفلوسه مش مباحة لحد !
كفاية تستر… عايزين الحقيقة وعايزين حساب.
🔴أنا واحد من جمهور الزمالك، ولأول مرة بحس إن وزارة الشباب والرياضة، في ظل وجود الوزير جوهر نبيل، بتطمنّا إن الدولة واقفة في ظهر النادي، وحريصة عليه بجد وعلى رجوع حقوقه.
إحساس مهم لجمهور تعب كتير وشال فوق طاقته، ونفسه يشوف ناديه مستقر وحقوقه محفوظة. إحنا مش طالبين غير العدل، وإن الزمالك ياخد حقه كامل.
وياريت الاهتمام ده يمتد لمراجعة قانون الرياضة، وخاصة المادة ٧١ بكل فقراتها، بما يضمن حماية الأندية وحقوق جمعياتها العمومية، ويعزز الرقابة والمحاسبة.
الزمالك كيان كبير، والحفاظ عليه مسؤولية تستحق خطوات حقيقية. 🇦🇹
