gameela

ايه الأرقام دي⁉️ علياء قمرون اتجوزت 3 مرات، وآخر مرة اتجوزت فيها لمّت هدايا من التيك توك بأكتر من 2 مليون جنيه، وبيتفرج عليها في كل لايف أكتر من 60 ألف بني آدم كل يوم. أقسم بالله أنا بقيت مش عارف مين الصح ومين الغلط، وإيه الطريق اللي المفروض نمشي فيه، وإزاي وصلنا لمرحلة إن الهيافة بقت مصدر شهرة وفلوس بالملايين، والناس بتتجمع بالآلاف عشان تتفرج وتدعم. وليه بنصدر النماذج دي للمجتمع وكأن مفيش غيرها؟ وليه شباب وأطفال كتير بقوا شايفين إن الشهرة السريعة والفلوس اللي بتيجي من اللايفات هي النجاح، وإن دي النماذج اللي المفروض يقلدوها ويبقوا زيها؟! فين قيمة العلم والاجتهاد والشغل والتعب؟ فين الطبيب والمدرس والمهندس والصحفي وكل إنسان بيجتهد عشان يحقق حاجة حقيقية في حياته؟ لما أسماء زي سوزي الأردنية وعلياء قمرون وغيرهم تبقى حاضرة بقوة في المشهد، لازم نقف ونسأل نفسنا: إيه الرسالة اللي بتوصل لأولادنا؟ وإيه شكل النجاح اللي بنرسمه في عقولهم؟ الصحفي محمد غنيم …