The legislator of her own chaos

مواقف كثيرة للامانة لكن هذا اللي طرى على بالي الحين ويمكن اكثرها طرافة يومي صغيرة كان ابوي الله يرحمه دايم ياخذني معه لكل مجلس او بالاصح انا اللي كنت اتعلق بطرف ثوبه والاحقه وين ما راح. لين جاء يوم قال له احد الموجودين لا عاد تجيب بنتك معك سأله ابوي ليه ما اجيبها؟ الا بجيبها قاله خلاص غير اسمها لشيخ مسوي ظريف يعني ههه الله يقطع شر سوالفك ومن بعدها زادت روحاتي معه عناد في هذاك الرجل. مع اني كنت اغلب الاحيان انام على رجله اول ما ندخل وتفوتني السوالف والعلوم بس المهم عنده اني اكون معه

اذا كان تقديرك لذاتك يستند الى تقييمات الاخرين فأنت ستكون في حالة توتر دائم لان هذا التقدير متقلب وهذا يسمى الذات الفارغة لا تجعل تقدير الناس ومدحهم لك شرطًا لسعادتك او رضاك عن نفسك. افعل الخير لانك تؤمن به لا لانك تنتظر من يشكرك ولا تجعل مدح الناس يرفع قيمتك في نظرك ولا تجاهلهم يقلل منها اجعل رضا الله وراحة ضميرك اهم من نظرة الاخرين اليك قد تقف مع انسان في محنته وتساعده كثيرًا ثم لا تسمع منه كلمة شكر. لا تجعل جحوده يفسد عليك قيمة ما فعلته افعل المعروف لانك اهلٌ له.. لا لان الاخرين اهلٌ لشكره.. فليس كل من احسنت اليه سيقدرك وليس كل من لم يشكرك قد انكر فضلك

قبل شوي قاعدة مع ولد اخوي يقهويني واخر فنجال صبه ملياان قلت تدري وش معنى الفنجال المليان؟ قال ايه تدرين انتي؟ يهب هذا وهم بزران

لا تنسون والدها من صالح دعائكم في هذه الليلة المباركة

﴿وَاغْفِرْ لِأَبِي﴾ اللهم اغفر لوالدي الغالي مغفرةً تبلغه رضاك وعفوك وجنتك

قبل سنوات كان فيه موقع يأجر عروض مسرحيات شكسبير شفت مسرحية king Lear خلصت رفعت شكوى ان المسرحية منسوبة لشكسبير الا انها لا تتوافق مع مسرحيته المكتوبة قالوا we added a happy ending قلت مب شغلي انتم نسبتوا عمل لشخص ولم تلتزموا بذلك بعدها رجعوا فلوسي وعطلوا حسابي ههههههههه Not a happy ending after all

والله اننا في دولة عظيمة عظيمة بقيادتها وبحكومتها لا مجال للتهاون مع التطبيل والتبرير لكل شخص فاسد تطاول على ثوابتنا وعقيدتنا الله يحفظك يا السعودية ويحفظ لنا ولاة امرنا ويعزكم ولا يعز عليكم 🇸🇦💚🇸🇦💚🇸🇦💚

ركل المنتهي والله انها اذل واسوأ نهاية شاهدتها في كرة القدم تخيل يطردك جيسوس ليه الجوير انت

عجزت الكلمات عن وصف مواويل ابو نورة الاعجازية والاشادة بها في هذه الليلة ولا يسعني الا ان اقول يا كبدي اللي من احساسك زمت علي يابو نورة وشربت من الماء قلت لعل الكبد عطشى واذا هي فقد تفتقد مواويلك لا اكثر

والله انك لست سوى ارعن القول اهوج الفكر سفيه العقل والمنطق.. كان الله في عون زوجتك الرسول عليه الصلاة والسلام وهو رسول الامة كان يتسابق مع عائشة رضي الله عنها ويلاطفها ويؤانسها ويمنحها من وقته واهتمامه فلم تكن تفاصيلها اليومية عبئًا عليه ولا احاديثها امرًا يضجر منه آدم زادت وحشته في هذه الحياة المتشعبة والمتطلبة فزادت حاجته الى حواء اكثر اُنسًا واكثر انسكابًا واكثر صخبًا لتُخرج كل صباها وحيويتها عليه والعلاقة الانسانية سواء كانت بين زوج وزوجته/اخ واخته فهي ليست مقابلة توظيف حتى تفرض الرسمية بينهم. والمرأة ليست مطالبة بأن تستعرض ذكاءها في كل حديث حتى تستحق ان يُصغى اليها. تفاصيلها اليومية جزء من انسها ومشاركتها من المودة التي تقوم عليها العلاقات وطلع كفارة يا اعوج الفكر لان اخواني جميعهم يستمعون لاتفه تفاصيل يومي ويتفاعلون معها ايضًا بل انهم يتسابقون لسؤالي عنها