العاتي ✨🇸🇦

كنت اسمع ان المؤدلجين ومنظريهم يخافون التفكير أكثر من أي شي آخر، وكنت اقرأ هالشي في روايات زي 1984 و Animal Farm وشفنا هالشي في افلام ومسلسلات كثيرة زي سايلو وغيره .. لكن، كنت اعتقد ان هالشي نادر الحدوث في الواقع بعد ما اشتهر حسابي وخضت تجارب كبيرة مع بعض الفئات في مجتمعنا والمجتمعات العربية المجاورة، اكتشفت ان اكثر هالامور اللي برواية 1984 حقيقية ونعيشها كل يوم في مجتمعاتنا وبالذات عند الفئات الدوغمائية عند هذي الفئات تجد أن جريمة التفكير أسوء من كل الموبقات .. تلقاهم يتعاطفون مع الداشر اللي يطلع وهو سكران، متعاطي، يتحرش بالنساء امام الكاميرا، يقول كلام مسيء للدين والحكام، يسرق، يرتكب كل الموبقات، ما يهم زي مشهور طلع مؤخرا لاجئ في بريطانيا كل هذا مغفور له وبالعكس راح تلقى من يطبل له، ليه؟ لانه ما يفكر .. كل هالامور يسويها لانه في حالة سكر او لانه خربانه وما شابه، لكنه ما سوى الجريمة الكبرى وهو انه يكون له عقل يفكر فيه ويحلل ومن ثم يكون له راي مستقل يخالف رأي الدوغمائيين، ومن ثم تغفر له ذنوبه ولو كانت مثل زبد البحر يمكن تكون انسان طاهر، نظيف، نيتك لو وزعت على الأرض لامتلأت نورًا ومحبة، ويمكن تكون ما ارتكبت ولا 1% من سوايا هذا الشخص، لكنك تفكر .. وبهذي الحالة، لو كنت تفكر لدرجة انك مستقل في رأيك وتمحص كل شيء ولا تقبل مسلمات، بل انك قد ترفض بشكل منطقي وبتسلسل واضح بعض المسلمات السائدة سواء كانت دينية او ثقافية او اجتماعية، هنا يا ويلك ويلاه .. لو انك ساب الله والدولة وتصور وانت سكران وتتعاطى مخدرات ومحشش زي خوينا، اهون بكثير من انك توصل هالمرحلة من الاستقلالية بالتفكير لان في مجتمعاتنا لا جريمة تفوق جريمة التفكير .. لا عجب ان الناس بالواقع يتشابهون، او يتصنعون انهم يتشابهون، لكن ما ان تدخل الى السوشل ميديا الا تشوف شخصياتهم الحقيقية وتنوعهم ولا عجب ان كل الفئات في مجتمعاتنا متطرفة .. المتدين، الملحد، الذكوري، النسوية، اليميني، اليساري، كلهم متطرفين وكل واحد وده يسجن الثاني بل لو وده لأقام عليه حد القتل .. لانهم كلهم مكبوتين ما يقدرون يفكرون بالواقع .. تمنعهم العادات ويمنعهم الفكر السائد والادلجة والدوغمائية، يحسون انهم يمشون بين الغام يوم يتكلمون ولهذا تلقاهم بالسوشل ميديا كل واحد منهبل ومتطرف جدا لرأيه تلقاهم يوم واحد يعبر بحسن نية زيي دايم .. يجيك قروب متطرف يشحن عليك حملات تشويه سمعة يطعن بمصداقيتك عشان محد يسمع رأيك، ويجونك متطرفين يماسرون عليك اغتيال الشخصية وتسميم البئر حتى يراك الكل بريبة، بس لانك ما رست جريمة التفكير ولهذا تشوف ان فيه شخصيات مشهورة حتى من النساء، يكرهونهم ويحاربونهم حرب الويل لانهم تكلموا ضد مسلمات معينة، لكن تجد مشهورات ثانيات محتواهم كله ايحاءات ويعتبر مخالف مثلا رقص وتعري وغيره لكن محد قد هشتقهم ههههههه سو اللي تبي المهم ما تفكر ولا يكون لك راي

عندي نظرية عن موضوع #عبدالله_جزاء_البقمي شرحتها بالثريد تحت، واشوفها هي سبب التسامح المفاجئ واللي انا اتمنى نمارسه مع الكل ودايم ادعوا له السبب مهو بس ان عبدالله رجل، فمثلا دحيم المطيري رجل، وغيره كثيرين لكن الفرق هو ان عبدالله لم يرتكب جريمة التفكير في مجتمعنا الناس يتعاطفون مع القاتل زي ماصار من تعاطف من قبل قبيلة مترك معه ويتعاطفون مع التحرش ومرتكب الكبائر واللي يقول كفريات ويسب كل المقدسات لكن بشرط: انك تكون غبي يعني تقول هالاشياء وتمارسها بسبب طيش او سكر او دشرة لكن لو كنت تقول ما تؤمن به وترتكز على عقل ومنطق ياويلك ويلاه، جهنم تصلاها في الدنيا قبل الآخرة ولهذا نشوف المجتمع متسامح مع شباب زي عبدالله لكنه شديد ضد شباب يقولون زي كلامه او اقل لكنهم يدعمون كلامهم بحجج او عقل ومنطق بغض النظر لو هالمنطق تعبان نفس الشيء البنات، تلقاهم ما يقولون شي لمشهورة تصور اطفالها دايم بس يشنعون على هند، وتلقاهم مايهشتقون مشهورة محتواها تعري ورقص بس يهشتقون ثانية لان عندها راي معين بموضوع اجتماعي حساس، زي هند الاكيد: عامة الناس يحبون اللي زيهم، زي اللي بالصورة تحت يشبه لهم ويشوفونه سهل يرجع لاسلوب حياتهم، جوه قصايد وعلوم بدو وطيش وما شابه وبالنهاية بيتوب، لكن اللي عنده راي وتحليل منطقي وتفكير عميق يكشون منه لانهم يخافون من التفكير وهذا نتاج سنين من الانغلاق ايام الصحوة وبتبقى اثار ذلك لاجيال