Mohamed Nabil

والله لو أصبحت بلا متابعين والله لو مفيش اي تفاعل خالص والله لو اضطريت اكتب في صفحتي محدش حتي يشوف اي تويتة لافضل علي نهجي وفلسفتي وهعمل جهد المشجع الحقيقي الواعي وهقود فريقي البطل فريقي ولاعيبته الرجالة وادارته الافضل وجمهوره العظيم ما عدا القلة الواهية الي النصر 👌 وحتي لو لم ينتصر الاهلي اليوم فهفضل وراه لحد ما ينتصر بكرة وبعده 🦅🤝 انا مش باقي هنا الا علي الاهلي ومعاه مش هنكر في بعض الأصدقاء يتشالوا علي الراس

ايه جمال البنت دي يا جماعة مصرية صغيرة قدوة لجيلها بل والله قدوة لكل مصرية وعربية ده انتي شرفتينا

موعد التذكير الشهري لاخواتنا في الله بالتزامنا جزاكم الله خيرا🙏

بلاش لما يجيلك بوست عن الصلاة على النبي تزهق دا رزق و ربنا باعته ليك 👌

كل سنة وانت التاريخ❤️ كل سنة وانت رمز النادي الاعظم عبر تاريخه العظيم❤️ كل سنة وانت أفضل لاعب في تاريخه❤️ كل سنة وانت الافضل أخلاق❤️ كل سنة وانت أفضل رئيس لاعظم نادي فالكون❤️ كل سنة وانت طيب يا بيبو يا فخر مصر❤❤❤ ربنا يخليك لينا عشان اللي زيك استثناء 🦅🐐❤️

في فكرة بتستفزني شوية، وهي إن إقالة المدير الفني بسرعة في الأهلي هتخلي أي مدرب محترم يرفض ييجي يدرب النادي بعد كده! 🤔 خلينا نتفق الأول إن اختياراتنا الفنية في الفترة الأخيرة مش موفقة، وفيه مدربين بالفعل أثبتوا إنهم غير مناسبين للأهلي، وبالتالي إقالتهم قرار فني منطقي. وأخطاء العقود والشروط الجزائية دي مسؤولية الإدارة، لكنها مش مبرر لاستمرار مدرب فاشل. أما حكاية إن المدربين هتخاف تيجي الأهلي بسبب الإقالة، فدي مش منطقية. أي مدرب بيقبل تدريب نادٍ كبير ومنافس على البطولات، وعنده قوام جاهز وإمكانيات كبيرة، بيكون عارف إن استمراره مرتبط بالنتائج والأداء وتحقيق الأهداف. وبالمناسبة، بصوا على تجارب الزمالك، رغم كل أزماته مع المدربين ومستحقاتهم ووصول بعض القضايا للفيفا، لسه بيقدر يتعاقد مع مدربين كويسين والطبيعي مفيش حد يقبل يجيهم لكن في النهاية هي طموحات ومصالح إحنا في عصر الاحتراف، والمدرب مش بييجي النادي عشان يضمن وظيفة مدى الحياة، والنادي مش مطلوب منه يجامل مدرب على حساب مستقبله. المشكلة مش في سرعة الإقالة، المشكلة الحقيقية في سوء الاختيار من البداية، وفي غياب المعايير الواضحة للمحاسبة. اختار صح، حاسب صح، ولو أخطأت في اختيارك، صحح الخطأ بسرعة.. مصلحة الأهلي فوق أي اعتبار. 🔴🦅

بالمناسبة بيراميدز كدا كدا فريق جيد لكن بعد ماتشين تابعتهم فريق واخد هالة اعلامية اكبر مما يستحق بإختصار شديد حتي اهلي عموتة السئ قادر علي هزيمته 👌 بكرة تشوفوا الكلام ده بعينكم وهتفتكروا وقتها ان عموتة بقي عالمي في حين انكم بتدوا ودنكم اوقات لابواق إعلامية ثبت انهم قبيضة الكلمة 👌

طيب اعتبروني الوحيد اللي بقول ده 🤝 احمد عيد ينفع حدا يكون باك رايت الاهلي 🦅 والله ينفع بس محتاج مدرب زي علي محمود زي محمود صلاح زي زيزو زي امام زي بن شرقي زي وزي وزي👌 طب افاجأكم ياسين مرعي نفسه وانا عارف الاغلب بيشتمه بالغلط الواحدة لكن بردو محتاج مدرب الاهلي نفسه محتاج مدرب مدرب مدرب مدرب الطم

اه بالمناسبة اقالة عموتة اهم شروطها هو بديل اقل في المخاطرة بمعني لو هتقيله وتجيب حد مش معروف او مخاطرة جديدة يبقي الافضل خليه يكمل عشان هنرجع للاسف بسوء اختيارك نقول ولا يوم من أيام عموتة تخيل بقي 😀 رجع البدري او يوريتتش وانجز ولم فريقك وجمهورك ومساندة ودعم لاخر الموسم🤝

يعني حابب اعرف شريحة المتابعين عندي تفكيرهم رايح فين 👌 هل الافضل للنادي الاهلي اقالة عموتة ام دعمه واستمراره؟

مفيش ماتشات دلوقتي صح فعادي يعني بعد اذن اخوانا بتوع الاستقرار وبالمناسبة ليهم كل الاحترام 👌 تعالوا بهدوء واحترام كدا نفيد صانع القرار الاهلاوي اخنا بنفكر معاك كمحبين وداعمين في اي ظرف كان هل الافضل للأهلي اقالة عموتة واستغلال فترة التوقف في تعيين مدير فني جديد؟ وليه قرارك وانا هحترمه

انا مبقتش احب اتفرج علي ماتشات الاهلي لأول مرة في حياتي 👌 انا بجد مبقاش عندي الشغف اني استني كل ماتش يخرجني من الهموم 👌 مشاهدة الاهلي بقت بتذبد الهموم والحزن علي حال متعتنا الوحيدة 👌 الجمهور عازف عن الحضور للمدرج وشكل الملعب وكأن فريق وسط بيلعب 👌 مدرب غير مناسب ولعيبة فاقدة الدافع وادارة بطيئة بأفكار لا تلائم عالم المحترفين 🤝 مبنفعش نغض عنينا عن مشاكل اصبحت واضحة بينادي بيها كتير من المخلصين ونصنفهم تحت بند الآفاقين وأصحاب المصالح 👌 اللي بيكتب ده ربنا يعلم عنده مشاكل من اصعب الايام وبرغم ده عمري ما فكرت اكتب الا لمصلحة الاهلي وعمري ما فكرت اطلع مصلحة واحدة من وراه رغم انه والله والله ممكن جدا فمن فضل ادارة الاهلي رجعوا لينا الأهلي الحاجة الوحيدة اللي مصبرانا علي هم الحياة من فضلكم الحلول واضحة مش محتاج عناد ووقت يضيع كتير نخسر فيه اكتر ،محتاجة قرار حاسم سريع يناسب العصر ويحل حل جذري 🤝 شكرا للتفهم

اعتبروها وجهة نظري وانا وحيد فيها 👌 حسام البدري هو المدرب الامثل للمرحلة الحالية في الاهلي دي قناعة شخصية ورهان مستعد اراهن عليه 👌 لو انت حاطط امور معينة تمنع عودته فللأسف صديقي في امور اسوء تمت وتم للتغاضي عنها فخلي مصلحة الفريق هي الأساس 👌 اديله عقد سنة ونص وتفاوض معاه وادفع شرطه الجزائي وادعمه وسانده واحنا وراه وهيطلع من كل لاعب افضل ما عنده ويفلتر الفريق من اي موظف لو انت مش شايف ده الاختيار الامثل وعاوز تروح لحد بتاع مرحلة فروح ليوريتتش مدرب بيراميدز السابق المدرب اللي كتبت كتير انه كويس جدا ويقدر يضيف للأهلي وعارف قدراته وامكانياته ولسة مواجه نجومه وعارف النقاط الضعيفة عنده اللي هو نفسه كان اكتر حد استغلها🤝

لو ادارة الاهلي بتفكر صح ودون معاندة وغرور ومصلحة الفريق الفعلية 👌 علي ادارة الاهلي انها تعتبر ان ضربة جزاء مودرن اتسجلت 🤝 مش محتاجة حداقة والله عندنا فرصة توقف دهبية تجيب حد يصلح الاوضاع شكرا

للإنصاف👌 بصمة عموتة الوحيدة في التطوير او ابراز لاعب هو عمر الساعي اللاعب اللي لو جهز هيكون لاعب اساسي في وسط الاهلي والمنتخب المصري 🤝

نسبها لبعدين وجهة نظر مبدئية عشان متاعبتوش كتير لكن اقطاي افضل مهاجم محلي موجود في مصر ومش عاوز الا الفرصة ومن بعده محمد رأفت شاب الاهلي الواعد كل دول محتاجين اللي يطلع منهم افضل ما عندهم🤝

وجهة نظر شخصية مبروك ٣ نقاط مهمة أوي ❤️🔴 ولكن لا جديد يُذكر ولا قديم يُعاد! 🤦‍♂️🔴 فخ الـ٣ نقاط! ⚠️ آه كان فيه تحسن في الوصول للمرمى، لكن أعتقد إن ده يرجع لطبيعة المنافس اللي مش من الفرق اللي بتتكتل دفاعيًا وبيغامر وبيسيب مساحات. فنيًا، مشاكل الأهلي لسه موجودة.. بطء في بناء الهجمة وغياب الحلول أمام الدفاعات المنظمة وعشوائية تامة هجومية وربنا كان رحيم بجمهور الأهلي العظيم، وشوبير ساهم بشكل كبير في الحفاظ على النقاط التلاتة 🧤❤️ القماشة دي مدججة بالحلول، وأقسم بالله مش محتاجة غير مدرب حقيقي على قدر الأهلي، يوظف الإمكانيات دي ويصنع فريق له شكل وشخصية وهوية.. مش مجرد نحتفل بالنتيجة ونتجاهل المشاكل! 🦅

مساء الجمال ماتش مودرن فرصة حلوة إننا نتابع محمود ممدوح مهاجم مودرن، ونكوّن فكرة أوضح عن إمكانياته، وهل ممكن يكون إضافة حقيقية للأهلي ولا لأ. 👀🔴 في نفس الوقت، إحنا محتاجين الـ٣ نقاط بشكل مهم جدًا، ومفيش رفاهية فقدان نقاط جديدة. وبتمنى إن صانع القرار في الأهلي يكون محضّر كويس لفترة التوقف، وإن القرار وقتها مايبقاش مبني على نتيجة الماتش ده أو غيره، لكن على تحليل فني حقيقي للمرحلة اللي فاتت، واللي شايف إنها كانت كافية جدًا لتقييم الفريق، وتحديد مشاكله بشكل واضح، سواء فنيًا أو بدنيًا أو على مستوى إدارة المباريات. الأهلي محتاج تصحيح مسار، مش مجرد نتيجة تعدّي الأزمة. ❤️🦅 ومهما كانت رؤيتنا للمشاكل والحلول، أمنيتنا واحدة.. نكسب كل ماتشاتنا، ونشوف الأهلي بالشكل اللي يليق بيه وبجمهوره. 🔴🏆