10 شتنبر… #جبل_طارق يردّ الجميل للمغرب 🇬🇧🇲🇦 🇬🇮 جبل طارق كيحتافل بيومه الوطني. ولكن الغريب هو ذاك صمت المقابر اللي نزل على الصبليون… لا قوارب خرجات من #سبتة المحتلة، لا شعارات، لا ديك "سوليما" الهوليودية ديال التضامن، ولا حتى احتجاج يُذكر. واش ماشي جبل طارق حتى هو "إسباني" فعيون #مدريد؟ 🤔 فين مشى إذن الدم الحامي على الأراضي التي يدعون أنها إسبانية و "محتلة"؟ ولا المبدأ كيتبدل ملي كتقلب الخريطة، وكيولي "تخراج العينين" واجب غير ملي كيكون #المغرب هو الطرف الآخر في المعادلة الإقليمية؟ المشكل ماشي فالموقف الإسباني… المشكل فالتناقض. حيث ملي كتسالي الشعارات وكيبدا الاختبار الحقيقي، كتزول الأقنعة. وجبل طارق اليوم كيعطي العالم واحد الدرس بسيط: مدريد كتتعامل مع مبدأ السيادة بمنظارين. هادشي من جهة، ومن جهة أخرى واش فخبارك يا أخي المغربي أن جبل طارق، فاليوم الوطني ديالو، كيرفع علم المغرب بمحاذاة علم بريطانيا 🇬🇧؟ والقصة ماشي صدفة ولا بروتوكول دبلوماسي عابر… لا لا إطلاقا في 1969، ملي قررات إسبانيا 🇪🇸 في شخص الديكتاتور فرانكو تسد الحدود على جبل طارق وتحاصرو حصار شامل، المغرب دخل على الخط. السلطات المغربية صيفطات آلاف العمال المغاربة يخدمو تما، ومعاهم الإمدادات: المواد الغذائية والسلع الأساسية والمستلزمات اليومية للبقاء على قيد الحياة يعني، فاش كانت مدريد كتحاصر… #الرباط كانت كتعاون. واليوم، بعد أكثر من نصف قرن، المغرب حاضر فاحتفالات جبل طارق بواجهة مشرفة: أواصر صداقة متينة ونافورة شاهدة على عراقة الصناعة التقليدية المغربية. التاريخ فيه واحد العادة هي سيف ذو حدين: كيحتافظ بالجميل والمعروف وفي نفس الوقت مكينساش العار😉 #ترياق_السموم✍️