نوجوانو، ذرا ٹھنڈے دل سے سوچو... ایک لمحے کے لیے رک کر اس تلخ حقیقت پر غور ضرور کر لو۔ وزیر اعلیٰ، وزراء، ایم این ایز اور ایم پی ایز کے اپنے بچے امریکہ، برطانیہ، فرانس اور آسٹریلیا میں بہترین زندگی گزار رہے ہیں۔ ان ممبران اسمبلی کے پاس سیکیورٹی اور گارڈز کی پوری فوج ہوتی ہے، انہیں کچھ نہیں ہونا۔ مسئلہ صرف تمہارا ہے، تم غریب کے بچے ہو اور تمہیں ہر بار ایندھن بنا کر آگے دھکیل دیا جاتا ہے۔ پچھلے 13 سال سے خیبر پختونخوا کے غیرت مند اور جذباتی نوجوانوں کا کیریئر اس سیاست کی بھینٹ چڑھ رہا ہے۔ ذرا سوچو! ایک بار اگر تم پر ایف آئی آر درج ہو گئی یا پولیس ریکارڈ بن گیا، تو تمہاری پوری زندگی تباہ ہو جائے گی۔ نہ کبھی سرکاری نوکری ملے گی اور نہ بیرونِ ملک کا ویزا مل سکے گا۔ جو لوگ سوشل میڈیا پر تمہیں اشتعال دلاتے ہیں اور باتیں بناتے ہیں، وہ احتجاج کے دن اپنے گھروں میں ایئرکنڈیشنڈ کمروں میں بیٹھے ہوں گے۔ سڑکوں پر لاٹھیاں اور گولیاں صرف تم کھاؤ گے۔ ذرا اپنے گریبان میں جھانک کر سچائی تلاش کرو: کیا 90 دن میں کرپشن ختم ہو گئی؟ کیا وی آئی پی کلچر کا خاتمہ ہوا؟ کیا یکساں نظامِ تعلیم نافذ ہو سکا؟ کیا وزیرِ اعلیٰ ہاؤس، گورنر ہاؤس اور وزیرِ اعظم ہاؤس لائبریری اور یونیورسٹی بن گئے؟ کیا تمہیں وہ ایک کروڑ نوکریاں اور 50 لاکھ گھر ملے؟ کیا وہ بیرونی بینکوں سے 200 ارب ڈالر واپس اے۔۔۔؟ اگر یہ سب صرف لمبی لمبی باتیں اور جھوٹے وعدے تھے، تو پھر کس کے لیے اپنا روشن مستقبل اور اپنی زندگی داؤ پر لگا رہے ہو؟ کسی کی اقتدار کی جنگ کے لیے خود کو کیوں برباد کرتے ہو؟ پشتو کی وہ پرانی اور سچی کہاوت ہمیشہ یاد رکھو: خانان بہ بیا سرہ خانان وی، پکے بہ توے شی دا رامبیل چامبیل گلونہ" > (یہ بڑے لوگ اور خان کل پھر ایک ہو جائیں گے، اس سیاسی کھیل میں صرف چمیلی کے نازک پھول یعنی تم غریب اور معصوم نوجوان ہی ضائع ہو گے) یہ رہنما کل پھر ہاتھ ملا لیں گے، لیکن اگر تم معذور ہو گئے یا جیل چلے گئے، تو اس کا درد صرف تمہاری بوڑھی ماں اور غریب باپ کو سہنا پڑے گا۔ جذباتی نعروں سے باہر نکلو، اپنے والدین کا سوچو، عقل اور فہم سے کام لو اور اپنی تعلیم اور روزگار پر توجہ دو۔ – at Peshawar, Pakistan