محمد بن نايف

من يحرث المصايب صبّها فوق راسه خل صنعاء سماها شعلةٍ فوق جمره فالشعار العتيق تشوف بند السياسه للمعادين سيف وللموالين تمره

فلّت الشعر الكثيف وناحرت قدم المرايه ولا حصل للنور مدخل يعبر ويلمس نحرها

ينتابني شي لا بيّن بياض النصوب انا ادري ان خامتي من نفس خاماتها من كثر ما صدري المدهل وسيع ورحوب تزبنّي افواج ضيق ترزّ راياتها اعيش في غربة اللي غرّبته الحروب ما ردّني لا القصور ولا مظلاتها ما تعرف الذنب لين تعيش مر الذنوب اكبر ذنوب القريحة ما اعرف اوقاتها بعض الصفات العظيمة يمكن انها عيوب ماتعرف الناس خافيها وسيّاتها نقطة وصول النهاية واختلاف الدروب ما يبهرك فالحياة الا نقيضاتها اراقب الشمس فالمشرق ووقت الغروب ما اجمل بداياتها ما اقسى نهاياتها اليا انقلب لونها الباهي وبان الشحوب وقام يتنسّل سناها من شعاعاتها كَسرة شجاعٍ على وجهه تبين الندوب ما قصرّت فيه بقعاها وصكّاتها وان خيّم الليل والطاري يدور ويلوب وانا ادري الوضع فيه انّ وآخواتها يطري علي الغزل في وصف ريمٍ لعوب ما ابيض من خدودها الا بيض نيّاتها لو تنطق الحرف يمكن من ترفها يذوب وان ناظرت فالقصيدة تهدم ابياتها ان سولفت دارت الافراح من كل صوب حتى ابتساماتها من جزل مدّاتها اللي علي انتقي من ندّر الشعر ثوب ارب لا جا لها يرضي قناعاتها من ذاق طعم الهوى لا يمكن انه يتوب هو ينتظر لحظة ان ما عاشها ماتها

على شبّاك "يمكن" واتفقّد نصفي المفقود "ويمكن" تندثر من طبعة كفوفي على الجامه

ما استقام الظل في غصن ماهو مستقيم الخلل نفس الخلل واحد ان طال وقصر

ابلد عيالك مكشّر على باقي العيال قال انا دوري اساسي ولاني فالطرف كبرت احلام العصافير فاجساد البغال وعاش في حلمه وضيّع مكانه وانحرف اتركوه يجرّب الوضع ويشد الرحال لا انقرص في غربته جاكم ودلّ وعرف إخسر الدنيا ولا تخسر سلوم الرجال ما يعطّر صيتك الا الرجولة والشرف