صباح الخير
على ما يقولون الطامحين فالحياة
ينال المرء مقصده بسعي
وليس ينال شيء ان تمنَّى
لذلك قم لأمانيك يا ابن ادم
وان تاخرت عليك النهوض والقدم الى مساعيك
فمن للسفينة من بحار يقودها
سواك مرساها وقبطانها ورحلتها ..
يومكم سعيد يالنشامى
واللي جعل عصريّة الجمعة جواب السائلين
إني فقدتك فقد ما يُوصف و لا يلحق مداه
عسى قبرك أوسع من حدود القسى واللين
وعسى اللّٰه يسقي ترابه بوابل - غيمة ترعاه
عساني أرتوي شوفك بجنة عقب طول البُعد
وقسايا دمعتي من لهفتي تصافح كفوفك
تراني أذرف الدمعه بعد بعدك بليّا جهد
هنيّك يا قبر يالّلي فقيدي محتضن جوفك
عساني مانحرم شوفك بعد ماصابني هالهجد
مصيبه بعد طول البعد عيني تنحرم شوفك
قلعة الدنيا ولا عاد يغرينا متاع
والسنين اللي مضت روّحت بهيامها
ما يطيب العيش والراس ما عاش ارتفاع
وارتفع بالنفس لو ضامها ما ضامها
كل ما جينا نصافح نصافح باندفاع
مشكلتنا نعطي الناس فوق أحجامها
كم صنعنا من جميل مع العالم وضاع
وكم تغير طعمها يوم كف إطعامها
وش فيك يا خاطري منت بمرتاح
كنك تخبي ضيقة العمر فيك
تضحك ودمعتك على الخد تنزاح
وتقول انا بخير و الضيق يغليك
خابرك يا خاطري دايم شجاع
ما كنت تسمح للزمن يوم يأذيك
واليوم كسرك واضح بكل الاوضاع
والحيل خانك و الوجع ما يخليك
الانسان لو قسم حروب الحياة اقسام
درى ان اكبر الاقسام حربه مع ذاته
وش الوقت من دون العقارب والارقام
وش العمر من دون الطموح ومتاهاته
ما فيه اصعب من الصبر واثقل من الايام
على اللي ما حقق غايته والعمر فاته
يبي البارح اللي ما يبي شي من قدّام
ويبي بكره اللي حاجته ما بعد جاته
مابارت اهدافي لو إن الزمن بار
العزم مثل البحر ماله نهايه
ذقت الخساير والعزاير والأمرار
وسقت العمر كله على شان غايه
ما يصنع التاريخ من هاب الاخطار
« ولا رقا في قمة المجد تايه »
ولا يعلم الانسان عن بعض الاقدار
يمكن بعد خط النهايه .. بدايه
السيل يبقى له على القاع مجرى
ويبقى لك التذكار لو كنت فارقت
أشوف لك من وين مارحت ذكرى
لا شفتها صديت عنها ودنقت
ماكل جرح لا خذا أيام يبرى
بعض الجروح يزيد شره مع الوقت
القلب يجفل من وجيهٍ مصده
وانا اشهد ان القلب دليل لراعيه
وسيلٍ جرى مدرجه لا تحدّه
جنب وخل السيل يضرب مجاريه
وما فات من دنياك صعب مرده
خذ لك من الماضي عبره و توجه