Pinned Tweet
أن كان همّك في حياتك صلاتك
زانت لك الدنيا وجتك التباشير
خمسٌ فرضها الله فيها نجاتك
وفّوا بها يا خلق من دون تقصير
وأحذرتجي لك فجأه حزّة مماتك
ماعاد يمدي بالرجاوي على خير
sultan almarzoqi retweeted
تعال خذني مثل ما يأخذك نوم
بعد السهر وقت التعب والتفاكير
يا مشغلاً قلبي وفكري على الدوم
متى جزيل الوقت يهدي تباشير
ايامنا تمشي يوماً بعد يوم
ويزود شوقي لك ولا لك معاذير
من طول الغيبات ما رده اللوم
ولا رجّعه ياكود وقع المقادير
sultan almarzoqi retweeted
مبادرة رائعة وتطبيق يستحق الإشادة والتقدير يا أبو عبدالله خاصة أنه من جمهور الهلال، ويسعدني أن أتكفل بدعم تطبيق #تاريخ_الهلال وكافة مصاريفه، وتزويدكم أيضاً بما يتوفر لدينا في الأرشيف الهلالي من معلومات ووثائق تاريخية وغيرها من التفاصيل والحقائق المثبته بالأدلة والبراهين
الى جمهور الهلال العزيز :
}
💙📱 قريبًا.. ولاول مرة على مستوى الاندية كافة تطبيق (تاريخ الهلال) 💙
لكل هلالي يعشق الكيان، ويعتز بتاريخه، ويفتخر بإنجازاته ونجومه.. نعمل على مشروع يجمع تاريخ الهلال كاملًا في مكان واحد؛ من التأسيس والبطولات والإنجازات، إلى النجوم والمباريات وقرارات اللجان وغيرها من التفاصيل التي تهم كل هلالي. ومثبته بادلة وبراهين
🎯 الهدف: أن يكون الوصول إلى أي معلومة تخص الهلال أسهل وأسرع، بضغطة زر واحدة.
💙 أطرح هذا المشروع بين أيديكم، وأنتظر دعمكم ومقترحاتكم وإضافاتكم قبل اكتماله وإطلاقه رسميًا.
⏳ بإذن الله، لن تتجاوز مدة الانتظار شهرًا من الآن.
هذا تاريخ هلالنا.. وهذا مشروعنا جميعًا. 🏆💙
شاركونا مقترحاتكم، فبدعمكم يكتمل العمل ويصبح التطبيق مرجعًا لكل عاشق لتاريخ الزعيم. 💙🤍
#تاريخ_الهلال
الحياه السعيده شفتها في غلاك
وان غبت عنّي غلاك بحياتي يزيد
يا حبيبي تراك وسط عيني ملاك
ليت الأيام جتنا بالّلي نبيه ونريد
شوف قلبي وروحي دايماً بحراك
لو تحرّك شجوني يستجيب الوريد
سحرتني بالحلال يوم ربي عطاك
واسرتني بالشوق قريب والا بعيد
ولعتني ياغناتي ياجعل روحي فداك
يوم الثواني شهْدت قديمها والجديد
عذبتني بغلاك بالله تكفى كفاك
أخليت قلبي الك وسكنت فيه الوحيد
sultan almarzoqi retweeted
حبي لك أكبر من توقع خيالك
وحبي لك النادر على كل هالكون
أنت الذي في القلب جالك ممالك
وتقسى على روحي من قوة الكون
والله لولا البعد لأسكن قبالك
ولكن القدر مكتوب ولابدّه يكون
انت الغلا كلّه ولو طاش بالك
ماني من الّلي في غلاهم يشكون
أرفق على حالي وروحي فدى لك
دام أن ساسك في الغلا جاله ركون
sultan almarzoqi retweeted
انتي مقرك بين جفني والاهداب
وزودن على روحي بقلبي مقيمه
حتى وريدي صار للحب سرداب
وصمام قلبي لاجل عينك غنيمه
وبنون عيني لك محبه مع اعجاب
ياكيف النديم اليوم ينسى نديمه
ذقنا الهوى جرعه واثرالهوى غلاب
ودام الغلا من قلب يزود قيمه
sultan almarzoqi retweeted
خلّيتني بين العرب دوم أحاتيك
وكنت اتمنى اقضي العمر وياك
ليتك دريت بقلبي وشلون يغليك
وعدّيت نبضه يوم بالشوق حيّاك
وليت الزمن يرجع ياعيون غاليك
لا شافتك عيني بعشقي أباأحياك
أرفق على اللي في حياتك يداريك
ويقبل بعذرك ثم يدمح خطاياك
يفداك قلبي ومعه روحي وانا افديك
وفديت زينك ياالغلا مع سجاياك
sultan almarzoqi retweeted
تسلم يمينك سبدي وكلنا فداك
وكل الوطن ردّد عليك التحيه
ياقائد الأمه على الدين مبداك
وشعبك معك واثق عزومه قويه
محمدعريب الجدياطيب مجناك
انته ولد سلمان زبن الونيه
رسمت رؤيا للبلد تسبق خطاك
وآمن بها شعبك وصارت هويه
ياسبدي واصل عسى الرب يحماك
حنّا معك دايم وفي كل هيّه
sultan almarzoqi retweeted
سبحان من صوّرك وأكمل حلاياك
وخلّاك بين الناس في شكل ثاني
همس الحنان وبسمةالحب في شفاك
تروي ضماي من الغلا والحناني
سكنت وسط القلب شيّدت مبناك
ساسه حنان وحب وسوره جناني
ودامك هوى روحي وقلبي تمناك
أرفق بحالي ولا تعاون زماني
يانور عيني ما نسيتك ولا أنساك
يزورني طيفك وأنا في مكاني
في غيبتك أتوه في عالمي وألقاك
تفداك روحي ولو قلبي يعاني
sultan almarzoqi retweeted
يا روح روحي ما تفارق خيالي
همّك برى حالي وهمّي تشيله
دامك بوسط الروح ياطيب فالي
وهم الغلا يازين ما فيه حيله
في غيبتك عنّي أعد الليالي
وساعة يهب الشوق روحي عليله
ولا مرني طيفك جوي صفا لي
ولا فَطْنَتْ عيوني راح في سبيله
ياكثر حبي لك من أول وتالي
واليوم في قلبي ثابت دليله
لقيت لك بالقلب منزال عالي
في قمةٍ على البشر مستحيله
ياقمر في سماه ما نظرت لسواه
اغلا شيء بحياتي يشبهك يا قمر
في غيابك أردد ليت عيني تراه
وبحضورك كل ما جاء بعيني يسرّ
بسحر عينه غلا وقلبي ملاه بغلاه
وبعد حباً خفي صار حبي جهر
ليت حرفاً كتبته يسعد الّلي قراه
وله قصيدي وشعري في ثواني العمر
ولاجفى النوم عيني ما حسبت لجفاه
أسهر الليل كلّه لو يبان الفجر
لأجل عينه حبيبي صرت أحب الحياه
وأنتظر كل ليله وين نور القمر
الله يا وقتاً مضى ما نسيتيه
ولا يمكن أنسى في حياتي غلاتك
يسعدك حرفي لا ظهر لك قريتيه
ويبان لك كل السرور في حياتك
واليوم شب الوقت بقلبٍ جفيتيه
ما ردتك اشواق من الروح جاتك
يا نور عيني كان هجري نويتيه
بابقى على عهدي في حبي لذاتك
وبابقى على ذكرى غلاً لي بديتيه
ولو طالت الايام مع ذكرياتك
أفدي عيونك يا الغلا لوّها تيه
وأفرح ألياشفت العرب في صفاتك
ياسحرعين اللي يشوفك ويهواك
يا هلال عزاً في الملاعب تسلطن
مبروك فوزك وانته المجد يزهاك
زعيمنا اللي في المتصات واطن
وصيف عالم كل عيناً تمناك
يوم الكؤوسِ ولأجل عينك يحطّن
أسعدتنا يا هلال يوم الله أعطاك
وخلّيت في كل البطولات موطن
واصل مسيرك ياعسى الرب ياقاك
يوم النوادي بعد فوزك تغطّن
يااللي تشيل الحمل بين الخفايا
الله يعنيك ما لقيت المداوي
اعطيت من قلبك بزين النوايا
ولا ترحم الايام حال الشقاوي
الضيق في وقته يسوي سوايا
ولا تطفي الجمّه كبد الهواوي
من جرب الفرقاء يعرف الزوايا
ونار الغلا جنّه لو البعد كاوي
أبغيبتك عنّي تسلب القلب منّي
خلّه أمانه معك وفي غيبتك زد
اناأدري ان الروح غصباً تحنّي
وعزاي في صبري لاشمّر الجد
يا روح روحي شف حبك فتنّي
وان طالت الغيبه يقتلني البعد
الله على الدنيا تأخذك عنّي
كيف الغلا تنساه ماهزّك الوجد
غلاك في قلبي ومع الدم يجري
ولو مرّت الأيام ماني بناسيك
طاريك يشرح ياالغلا ضيق صدري
ولاشافتك عيني شفت الرجاء فيك
انتي شريكة روح في كل عمري
وانتي شريكة عمر والقلب مغليك
هواك يلعب بي الا يالهوى العذْري
ترفق على حالي وانا دوم أداريك
sultan almarzoqi retweeted
Replying to @Ch3Yff
ليت العمر يرجع لاحلا سنينه
يوم أهتوى قلبي أعز غالي
ماضي مع الغالي ذبحني حنينه
عزّي لمن مثلي وعزّي لحالي
أشتاق لأيامه من قلبي ووتينه
وتشتاق له عيني يجلس قبالي
هذاك نور العين تسلم يمينه
غلاه في قلبي أوّل وتالي
🌹🌹
لوتنشرى بعض الليالي القديمه
لأشري ليالي من بداية غلانا
يوم ان قلبي صوّبته الوسيمه
من بعد ماشفتك ياجنّة هوانا
يزود الغلا بالقلب قدراً وقيمه
ويبقى مع الأيام لروحي ضمانا
لا هبْ نسناس الغلا له نسيمه
يبقى طوال العمر عطر بسمانا
يانور عيناً تَرْقَبَ اليوم ديمه
لعل ماطرها يجي في حمانا
قلبي حوى حبك بنوايا سليمه
ولقيت من قلبك زين النوايا
تفداك روحي دااام قربك غنيمه
ياللي ملكت القلب بزين السجايا
البرق له نبره وقلبي على نار
والواضح أن البال ما هو بسالي
ويروح فكري بين حظي والأقدار
وتبداء هواجيسي في الّلي جرى لي
ماهمّني في الوقت لاصرت بأختار
ولي حسوتي لا جت سود الليالي
الموت فرقاء الزين ولا بعْدَتْ الدار
ليت الغضي يرفق لا شان حالي
سلمو لي على الغالي كثير السلام
نور عيني بعيد وفي دياراً بعيده
بلغوه ان قلبي حط حبه وسام
وله غلاً اختلط بالدم يجري بوريده
بانياً له قصوراً من جبال الغرام
وسط روحي وقلبي للسنين الجديده
يا هل العرف بالله وش يفيد الكلام
قربوا نار خلّي من حطبها تفيده





















