عساني أرتوي شُوفك بجنة عقب طول البُعد
وقسايا دمعتي من لهفتي تصافح كفوفك
تراني أذرف الدمعه بعد بُعدك بليّا جهد
هنيّك يا قبر ياللي فقيدي محتضن جوفك
عساني مانحرم شوفك بعد ما صابني هالهجد
مصيبه بعد طول البُعد عيني تنحرم شوفك
« يا أبو وجهٍ على شانه يدق من الغلا ما جل
ترى لولاك ما سقت القصايد في متاهاته
فداك العمر وأحداث الزمن والمشكلة والحل
و قلبٍ ما يعرف من الغزال — إلا تلفاته
أنا من شاف وجهك يا حبيبي في وجيه الكل
وفزّت روحه لضحكة عيونك قبل خطواته » ❤️
على دربك لو ان العمر يوقف تمشي الأقدام
الين أموت “أبيك” وغيرك من الناس ما أبيها
يا مرساي الأخير، وذكرياتي في مدى الأعوام
يا ضحكة وجهي اللي تذبح أحزاني وتحيّيها .❤️
« أنا لي في وجودك عمر و أيامي فدا دنياك
و دربٍ ما يوصل لك ماهو دربي ولا دياري
يكفيني من الدنيا — أعيش برغدها وياك
و أقول إني غريقك و أبتديت بحبك أبحاري
و حياتي ماتزينها السنين المقبلة — لولاك
يا أطهر من حفظ عهدي و حبك أعظم أسراري »
"مرّ في بالي شريطٍ فيه من عمري مواري
يشبه أحلام السنين وعثرة اليأس الأخيرة
بين صدفة جابها العمر ووداع بإختياري
ما عرف قلبي يطيع الواقع أو يرضي ضميره
كنت اظن إن مرّت الأيام بيجف انتظاري
ما هقيت إن الأمل يستمطر اليا جف بيره"
