ulf

⚠️Mobilízate este domingo 25-O ás 12h contra a represión e o fascismo españolista! 📌Compostela: ⚠️ [CAMBIO DE LOCALIZACIÓN]: Praza Roxa 📌A Coruña: subdelegación do goberno 📌Lugo: subdelegación do goberno 📌Ourense: subdelegación do goberno 📌Pontevedra: subdelegación do goberno 📌Vigo: Farol de Urzáiz 📌Ferrol: Praza Amada García ❌O acontecido este 21 de outubro na #Coruña non é un episodio aillado, senón a continuidade da deriva represiva coa que se pretende controlar a disidencia e silenciar a clase obreira, tal e como a CIG vén denunciando mediante diversas accións e mobilizacións nos últimos meses. 🤚🏻Esta vaga involutiva ten un dos seus principais instrumentos na Lei Mordaza, aprobada polo PP hai 11 anos e que, malia as promesas, non foi derrogada polo Executivo de PSOE-Sumar. 🚔Baixo esta Lei a policía española efectuou nos últimos tempos detencións inxustificadas de sindicalistas e manifestantes, ameazas co obxecto de impedir o dereito á mobilización, boicot á labor sindical en conflitos laborais, cargas policiais e a persecución a piquetes informativos, e mesmo sancións por uso de megáfonos en manifestacións. ☠️Todo isto sucede mentres se tolera a infiltración da ultradereita nas forzas e corpos represivos do Estado, así como a existencia de listas negras e métodos ilícitos de investigación e obtención de datos da cidadanía sen calquera control democrático encamiñados ao control social da disidencia política. 👉🏻Por todo isto, dando continuidade á campaña de denuncia que a CIG levou adiante nos últimos meses, e ante a gravidade da brutal acción policial contra a protesta antifascista deste 21 outubro na praza de María Pita, chamamos a participar nas concentracións que terán lugar o vindeiro domingo 25 nas cidades galegas, así como a encher as rúas galegas de dignidade obreira na #FolgaXeral11N. 📢Defender os dereitos non é delito!